Rōmano 10:2 - Rapa Nui

² Te parautiꞌa, e kimi rō ꞌana mo tano o rāua ki te mata o te ꞌAtua; te ꞌati nō, taꞌe a roto i te ara parautiꞌa o te ꞌAtua.

Rōmano 10:2 ပူးပေါင်းရင်းမြစ်များ

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Aŋa o te ꞌĀpōtoro 21:20

I ŋaroꞌa era i tū vānaŋa era, he haꞌahana-hana tahi ananake ki te ꞌAtua. He kī ia e tū nuꞌu era ki a Pauro: «E te taina, ko ꞌite ꞌana e koe ka taꞌutini ka taꞌutini te nuꞌu hūrio haka moe i te manaꞌu ꞌi ruŋa i a Ietū, ꞌe taꞌatoꞌa e kī rō ꞌana mo maꞌu mo oho nō o tātou i te ⌊haka tere iŋa ꞌa Mōtē⌋.

Aŋa o te ꞌĀpōtoro 21:28

koia ko ohu: «¡E te itaraera ē, ka hāꞌūꞌū mai kōrua! O te taŋata nei te hāpī te oho ki te nuꞌu ꞌi te kona taꞌatoꞌa i te meꞌe ꞌina he tano ki a tātou ki te hūrio, ki te haka tere iŋa ꞌa Mōtē ꞌe ki te Kona Haꞌamuri ꞌAtua. ꞌE ꞌātā i maꞌu rō mai, ꞌi te mahana e tahi, i te nuꞌu taꞌe he hūrio ki roto i te kona o te hare nei o te ꞌAtua taꞌe haꞌatiꞌa ki te nuꞌu taꞌe he hūrio, ꞌe hai rā meꞌe i aŋa ai i te meꞌe taꞌe tano mo te kona moꞌa nei».

Aŋa o te ꞌĀpōtoro 22:22

Ki te kona nō nei i haka roŋo ai e te nuꞌu i te tātara ꞌa Pauro. I oho era he haꞌamata he ohu-ohu: «¡ꞌIna te taŋata ena ko ora! ¡Ka haka kore mai te ao!».

Aŋa o te ꞌĀpōtoro 22:3

«A au he ⌊hūrio⌋. I poreko ai ꞌi Taraso, he kona o Tiritia, ꞌe ꞌi nei ꞌi Hērutarema i nui-nui ai. A Kamariera i hāpī mai i a au hai haka tere iŋa o te tātou tupuna, ꞌe tāꞌaku meꞌe aŋa he haꞌatura hai māhatu i te meꞌe o te ꞌAtua, pa he oho iŋa ena o kōrua.

Rōmano 10:1

E te taina, te meꞌe hopeꞌa ꞌāꞌaku o te haŋa e pure nei ki te ꞌAtua: mo eꞌa o tōꞌoku taŋata he itaraera mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

Rōmano 10:3

Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

2 Kōrinto 8:3

He mataꞌite a au e vaꞌai era hai māhatu e haka tano ki te meꞌe ai o rāua, ꞌe ꞌātā ꞌata rahi rō atu. Te nuꞌu nei, hai manaꞌu mau ꞌā o rāua,

Karatia 1:14

ꞌI rā noho iŋa, i hau rō atu a au ꞌi te haka kē ki te tētahi nuꞌu o tōꞌoku taŋa mo maꞌu i te hāpī haka rē mai e te mātou tupuna.

Karatia 4:15

¿Ka kī ꞌō ko ŋaro ꞌana tū koa era o tātou o muꞌa ꞌā? E riva nō a au mo kī: a kōrua, ꞌi muꞌa ꞌā, ꞌāhani he meꞌe e ravaꞌa rō mo aŋa, ꞌātā e kume nō mai i te kōrua mata mo vaꞌai mai mōꞌoku.

Fīripo 1:9

E pure nei au mo kōrua, e ani rō ꞌana a au mo ꞌata rahi mo oho o te kōrua haŋa mo te ꞌAtua ꞌe mo te rua, mo ꞌata aŋi-aŋi mo oho kōrua ko ai mau a ia, ꞌe mo ꞌata ꞌite o kōrua he aha te meꞌe riva-riva ꞌe he aha te meꞌe rake-rake,

Fīripo 3:6

ki te roa, ꞌina e tahi nuꞌu mo kī e hape rō ꞌana a au, ꞌe ꞌātā he kimi nō tāꞌaku aŋa i te nuꞌu ⌊haka moe i te manaꞌu⌋ ꞌi ruŋa i a Ietū mo tōtōā.

Kōrosa 4:13

E manaꞌu rahi rō atu ꞌana a Epafara ki a kōrua ki te nuꞌu o Kōrosa, ki te nuꞌu o Rāōrītea, ꞌe ki te nuꞌu o Īērāpori takoꞌa, ꞌe ko au te mataꞌite.