Rōmano 10:18 - Rapa Nui

¹⁸ Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

Rōmano 10:18 ပူးပေါင်းရင်းမြစ်များ

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 26:13

ꞌĪ a au he kī atu: ꞌi te kona taꞌatoꞌa o te ao haka ꞌite i te ⌊roŋo riva-riva o te ꞌAtua⌋, he vānaŋa takoꞌa o ruŋa i te meꞌe aŋa mai nei e ia; pē ira ka taꞌe rehu ena a ia.

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Māteo 4:8

ꞌI te hora hopeꞌa he maꞌu e Rukifero ki ruŋa i te maꞌuŋa hopeꞌa o te ruŋa nui. He haka takeꞌa i te henua taꞌatoꞌa o te ao ꞌe i te rāua hauhaꞌa

Marko 16:15

I oho era he kī: «E oho kōrua e haka ꞌite i te ⌊roŋo riva-riva o te ꞌAtua⌋ a te henua taꞌatoꞌa.

Marko 16:20

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

Rōmano 1:8

Te meꞌe raꞌe, he māuru-uru a au ki te ꞌAtua hai Ietū Kiritō mo kōrua taꞌatoꞌa ꞌo te ai te haka moe iŋa o kōrua i te manaꞌu ꞌi ruŋa i a Ietū e ꞌite rō ꞌana ꞌi te kona taꞌatoꞌa.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

1 Tētārōnika 1:8

Hai kōrua te roŋo riva-riva o ruŋa i a Ietū Kiritō i ꞌite i oho ai a te kona taꞌatoꞌa o Mātērōnia ꞌe o Ākāia, ꞌe taꞌe nō a te ŋā kona nei, a te kona taꞌatoꞌa. Te nuꞌu o te ŋā kona nei e ꞌite rō ꞌana pē nei ē: e haka moe rō ꞌana kōrua i te manaꞌu ꞌi ruŋa i te ꞌAtua. ¿Mo aha ia a mātou ana vānaŋa haka ꞌou o ruŋa i a kōrua ki a rāua? Taꞌe he parau ꞌāpī mo te nuꞌu era.