Rōmano 10:17 - Rapa Nui

¹⁷ Te meꞌe nō, mo haka moe e tahi kope i tōꞌona manaꞌu ꞌi ruŋa i te Kiritō, e ŋaroꞌa ꞌi raꞌe i te roŋo parautiꞌa o ruŋa; ꞌe mo ŋaroꞌa i rā roŋo, e haka ꞌite e te nuꞌu.

Rōmano 10:17 ပူးပေါင်းရင်းမြစ်များ

Marko 4:24

He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Ruka 8:11

»Pē nei te auraꞌa o te ꞌaꞌamu haꞌaauraꞌa nei: Rā ŋā karu he ⌊roŋo riva-riva o te ꞌAtua⌋, ꞌe te ŋā kona era a ira i vī-viri ai te karu he taŋata.

Ruka 8:21

He kī e Ietū: —Te nuꞌu haka roŋo ꞌe haka tere i a rāua hai vānaŋa o te ꞌAtua he huaꞌai takoꞌa ōꞌoku.

Iovani 1:37

I ŋaroꞌa era i rā vānaŋa, he eꞌa he oho rā ŋā kope ꞌi tuꞌa.

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

Rōmano 10:14

Te meꞌe nō, ¿pē hē ia ana ani te nuꞌu mo ai ꞌina he haka moe i te rāua manaꞌu ꞌi ruŋa i a Ietū? ꞌE ¿pē hē ana haka moe i te rāua manaꞌu ꞌi ruŋa mo ai ꞌina he ꞌite e tahi meꞌe o ruŋa i a ia? ꞌE ¿pē hē ana ꞌite o ruŋa i a ia, mo ai ꞌina he taŋata haka ꞌite o ruŋa?

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

Karatia 3:2

Iā. ꞌĪ a au he ꞌui atu: ¿Te Vārua Maitai o roto i a kōrua hai haꞌatura ki te ⌊haka tere iŋa ꞌa Mōtē⌋ ꞌo hai haka moe i te manaꞌu ꞌi ruŋa i a Ietū? ¿Taꞌe ꞌō hai haka moe i te manaꞌu ꞌi ruŋa i a Ietū?

Karatia 3:5

Ka haka topa rā te kōrua manaꞌu he aha te ꞌAtua e vaꞌai atu ena i te Vārua Maitai ꞌe e aŋa ena i te mana ꞌi roto i a kōrua. ꞌO te haka moe o kōrua i te manaꞌu ꞌi ruŋa i a Ietū ꞌe ꞌi ruŋa i tāꞌana roŋo, taꞌe ꞌō ꞌo te haꞌatura ki te haka tere iŋa ꞌa Mōtē.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.