Rōmano 10:16 - Rapa Nui

¹⁶ Ka ai atu pē ira, taꞌe taꞌatoꞌa taŋata e haŋa rō ꞌā ki te roŋo riva-riva o te ꞌAtua. Pa he meꞌe kī e te perofeta era ko ꞌItaia: «E te ꞌAtua, nuꞌu taꞌe rahi te nuꞌu haka noho i te rāua manaꞌu ꞌi ruŋa i te meꞌe haka ꞌite e mātou».

Rōmano 10:16 ပူးပေါင်းရင်းမြစ်များ

Māteo 13:14

ꞌI ruŋa i a rāua he tano te meꞌe kī e te perofeta era ko ꞌItaia: “Ka rahi atu te haka roŋo, e ko aŋi-aŋi, ka rahi atu te uꞌi iŋa, e ko takeꞌa.

Iovani 10:26

ꞌe ꞌina kōrua he ⌊haka moe i te manaꞌu⌋ ꞌi ruŋa i a au, he taꞌe ai o kōrua he māmoe ꞌāꞌaku.

Aŋa o te ꞌĀpōtoro 28:24

Tētahi nuꞌu i haka roŋo ki tū vānaŋa era ꞌa Pauro, ꞌe tētahi atu i taꞌe haka roŋo.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 5:7

ꞌI muꞌa ꞌā, a te ara parautiꞌa a kōrua e oho era. ꞌE hora nei, ¿ꞌa ꞌai te haka noho i a kōrua ꞌo maꞌu ꞌo oho i te hāpī parautiꞌa o te ꞌAtua?

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

ꞌEvereo 11:8

He haka moe o ⌊ꞌAparahama⌋ i te manaꞌu ꞌi ruŋa i te ꞌAtua i haꞌatura ai, ꞌe i eꞌa i oho ai mai tōꞌona kāiŋa hora kī era e te ꞌAtua mo oho ki te henua vaꞌai mo rāua, ka ai atu ꞌina kai ꞌite hia ki hē a ia ka oho era.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.

1 Pētero 3:1

ꞌE a kōrua, e te ŋā viꞌe ⌊hāipo-ipo⌋ ē, e haꞌatura ki te kōrua kenu, ka ai atu he kenu taꞌe ⌊haka moe i te manaꞌu⌋ ꞌi ruŋa i te ⌊roŋo riva-riva o ruŋa i a Ietū⌋. Mo aŋa o kōrua pē ira, he huri pēaha te manaꞌu, ꞌe he haka moe takoꞌa i tōꞌona manaꞌu ꞌi ruŋa i a Ietū, ꞌe taꞌe ꞌō ꞌo te meꞌe i kī e kōrua, ꞌo te takeꞌa i te kōrua noho iŋa tano, noho iŋa moꞌa ꞌe haꞌatura ki te ꞌAtua.