Rōmano 10:14 - Rapa Nui

¹⁴ Te meꞌe nō, ¿pē hē ia ana ani te nuꞌu mo ai ꞌina he haka moe i te rāua manaꞌu ꞌi ruŋa i a Ietū? ꞌE ¿pē hē ana haka moe i te rāua manaꞌu ꞌi ruŋa mo ai ꞌina he ꞌite e tahi meꞌe o ruŋa i a ia? ꞌE ¿pē hē ana ꞌite o ruŋa i a ia, mo ai ꞌina he taŋata haka ꞌite o ruŋa?

Rōmano 10:14 ပူးပေါင်းရင်းမြစ်များ

Māteo 20:7

»He pāhono e rā nuꞌu: “ꞌIna e tahi taŋata i vaꞌai mai i a mātou hai aŋa”. »He kī e rā taŋata: “Ka oho ia kōrua ka aŋa ꞌi tōꞌoku kona vino era”.

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 9:36

He pāhono e rā kope: —Ka kī mai koe ko ai nā meꞌe ki haka moe ai au i tōꞌoku manaꞌu ꞌi ruŋa i a ia.

Aŋa o te ꞌĀpōtoro 19:2

He ꞌui ki rā nuꞌu: —I haka moe era a kōrua i te manaꞌu ꞌi ruŋa i te ꞌAtua, ¿i topa rō atu te ⌊Vārua Maitai⌋ ki ruŋa i a kōrua? He pāhono e rā nuꞌu: —Kai ŋaroꞌa ꞌā e mātou i te vānaŋa o ruŋa o te Vārua Maitai.

Aŋa o te ꞌĀpōtoro 8:31

He pāhono e tū taŋata era: —¿Pē hē a au ana aŋi-aŋi ꞌina he taŋata mo haꞌaauraꞌa mai? He kī ia ki a Feripe mo eke mo noho ꞌi muri i a ia.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Ēfeto 2:17

A Ietū i oho mai ai ki te ao nei mo haka ꞌite mai pē hē te taŋata ana riva-riva ki te ꞌAtua. I haka ꞌite ai i te meꞌe nei ki a kōrua ki te nuꞌu taꞌe hūrio, nuꞌu ꞌava-ꞌava mai muri i a ia, ꞌe, takoꞌa, ki te hūrio, nuꞌu hāhine ki a ia.

Ēfeto 4:21

ꞌI te ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū, e ꞌite takoꞌa nei a au ko hāpī atu ꞌana i te parautiꞌa o ruŋa i a ia ꞌe o ruŋa i te noho iŋa tano haŋa e ia mo kōrua.

2 Timoteo 4:17

ꞌĀꞌana mau nō i hāꞌūꞌū mai ꞌe i vaꞌai mai i te pūai mo haka ꞌite ōꞌoku i te roŋo riva-riva o ruŋa o Ietū Kiritō, ꞌe, takoꞌa, mo haka roŋo tahi mai o te nuꞌu taꞌe he hūrio. Pē ira te ꞌAtua i toꞌo ai i a au mai roto i te haha o te reone,

ꞌEvereo 11:6

ꞌIna e tahi taŋata taꞌe ⌊haka moe i te manaꞌu⌋ ꞌi ruŋa i te ꞌAtua mo tano ki tōꞌona mata. Mo hāhine ki a ia, e ai he parautiꞌa mau ꞌā mōꞌou e ai rō ꞌā te ꞌAtua ꞌe e ai rō ꞌana te meꞌe mo vaꞌai ki te nuꞌu kimi i a ia.

Tanatiako 5:15

ꞌE ka pure era e haka moe rō ꞌana i te manaꞌu ꞌi ruŋa i a Ietū, he haka ora e Ietū i tōꞌona māui-ui, ꞌe mo ai ko hara ꞌā, he haka kore i tōꞌona hara.