Rōmano 10:12 - Rapa Nui

¹² Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

Rōmano 10:12 ပူးပေါင်းရင်းမြစ်များ

Aŋa o te ꞌĀpōtoro 7:59

E tamaꞌi era i a ꞌĒteva hai māꞌea ꞌai e pure era: «E Ietū ē, ka toꞌo koe i tōꞌoku vārua».

Aŋa o te ꞌĀpōtoro 9:14

ꞌE hora ena, nā ko tuꞌu mai ꞌā ki nei hai parau o te ŋā oromatuꞌa ra-rahi era mo ꞌa-ꞌaru mo haka puru i te nuꞌu taꞌatoꞌa haꞌamuri ki a koe.

Rōmano 14:9

Mo ira a Ietū i mate ai ꞌe i ora haka ꞌou ai: mo Pūꞌoko Haka Tere o tātou taꞌatoꞌa, ka ai atu nuꞌu mate ꞌo nuꞌu ora.

Rōmano 15:12

I pāpaꞌi takoꞌa rō e te perofeta era ko ꞌItaia: «Mai te hakaara o te taŋata ko Hētē ka eꞌa mai ena te kope mo haka tere i te nuꞌu taꞌe he hūrio, ꞌe ꞌi ruŋa ka ŋatu ena i te rāua haŋu».

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 2:4

ꞌE, ꞌi te riva rahi o te ꞌAtua ꞌe ꞌi te māhatu ꞌaroha ōꞌona, i haŋa rahi nō mai

Ēfeto 2:7

Te meꞌe nei i aŋa ai e te ꞌAtua mo haka takeꞌa ki te nuꞌu taꞌatoꞌa, pe muꞌa ka oho ena, i te rahi o tōꞌona riva ꞌe o tōꞌona māhatu ꞌaroha mo tātou mo te nuꞌu ꞌa Ietū Kiritō.

Ēfeto 3:16

ꞌe he ani a au ki a ia mo hāꞌūꞌū atu, hai pūai taꞌe pau ōꞌona ꞌe hai Vārua Maitai, mo haka hio-hio i te kōrua manaꞌu ꞌi ruŋa i a Ietū.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Fīripo 2:11

ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

Fīripo 4:19

ꞌE mo te ꞌAtua, ki a ia a au e tāvini nei, e vaꞌai atu i te meꞌe taꞌatoꞌa hape o kōrua mai te hauhaꞌa taꞌe pau ꞌāꞌana ꞌo te ai o kōrua ꞌa Ietū Kiritō.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

1 Timoteo 2:5

Te ꞌAtua e tahi nō, ꞌe e tahi nō kope haka riva-riva i te taŋata ki te ꞌAtua, ko Ietū Kiritō.

Meꞌe Haka Takeꞌa 17:14

E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».