Rōmano 10:10 - Rapa Nui

¹⁰ Pē nei te auraꞌa: hai haka moe parautiꞌa ōꞌou i te manaꞌu ꞌi ruŋa i a Ietū, te ꞌAtua he haka tano i a koe ki tōꞌona mata, ꞌe hai kī ōꞌou ꞌi muꞌa i te taŋata: a Ietū Kiritō he Pūꞌoko Haka Tere ōꞌou, he haka eꞌa e te ꞌAtua i a koe mai te ūtuꞌa o te hara ꞌe he vaꞌai atu i te ora ꞌāpī ꞌina he hopeꞌa raꞌa.

Rōmano 10:10 ပူးပေါင်းရင်းမြစ်များ

Marko 9:23

He kī e Ietū: —¿He aha te vānaŋa ena: «mo ai e ravaꞌa rō e koe»? ¡Taꞌatoꞌa meꞌe e ravaꞌa nō e te kope haka moe i te manaꞌu ꞌi ruŋa i te ꞌAtua!

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Aŋa o te ꞌĀpōtoro 8:37

He kī e Feripe: —Mo haka moe parautiꞌa ōꞌou i tuꞌu manaꞌu ꞌi ruŋa i a Ietū, ꞌina he meꞌe mo taꞌe haꞌatiꞌa atu. He pāhono e tū taŋata era: —Mōꞌoku a Ietū Kiritō he Poki o te ꞌAtua.]

Rōmano 10:11

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Te kope haka moe i te manaꞌu ꞌi ruŋa i te Kiritō, ki te hora hopeꞌa e ko manaꞌu ko hape ꞌana ꞌō ꞌo te haka moe i te manaꞌu ꞌi ruŋa i a ia».

Rōmano 10:9

Mo kī ōꞌou ꞌi muꞌa i te taŋata: a Ietū he Pūꞌoko Haka Tere ōꞌou, ꞌe mo manaꞌu ōꞌou hai māhatu: te ꞌAtua i haka ora rō i a Ietū mai te mate, he eꞌa ia koe mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

Karatia 2:16

Ka ai atu pē ira, e ꞌite rō ꞌana e tātou ꞌina e tahi kope mo tano ki te mata o te ꞌAtua hai haꞌatura ki te haka tere iŋa ꞌa Mōtē. Hai haka moe mau nō i te manaꞌu ꞌi ruŋa i a Ietū ana tano te taŋata ki te mata o te ꞌAtua. ꞌO ira a mātou, te hūrio, e haka moe ena i te manaꞌu ꞌi ruŋa i a Ietū, mo tano o mātou ki te mata o te ꞌAtua hai meꞌe nei ꞌe taꞌe ꞌō hai haꞌatura ki te haka tere iŋa ꞌa Mōtē. ꞌIna, paꞌi, e tahi taŋata mo tano ki a ia hai haꞌatura ki rā haka tere iŋa.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌEvereo 3:12

E te taina, e uꞌi ꞌo ai te kōrua māhatu taꞌe tano taꞌe ⌊haka moe i te manaꞌu⌋ ꞌi ruŋa i te ꞌAtua ora, ꞌo haꞌataꞌa rō kōrua mai muri i a ia.

1 Iovani 4:15

Te kope kī: a Ietū he Poki o te ꞌAtua, ararua ko te ꞌAtua e noho ena.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.