Rōmano 1:8 - Rapa Nui

⁸ Te meꞌe raꞌe, he māuru-uru a au ki te ꞌAtua hai Ietū Kiritō mo kōrua taꞌatoꞌa ꞌo te ai te haka moe iŋa o kōrua i te manaꞌu ꞌi ruŋa i a Ietū e ꞌite rō ꞌana ꞌi te kona taꞌatoꞌa.

Rōmano 1:8 ပူးပေါင်းရင်းမြစ်များ

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Ruka 2:1

ꞌI rā noho iŋa, he kī e Akutino, ꞌariki o te rōmano, mo haka pāpaꞌi i te nuꞌu o te henua taꞌatoꞌa ko ia te ꞌariki mo ꞌite e hia taŋata.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 28:22

E haŋa rō ꞌā a mātou mo ꞌite i tuꞌu manaꞌu o ruŋa i te hāpī ⌊kiritiano⌋ ꞌo te ai ko ꞌite ꞌā e mātou: ꞌi te kona taꞌatoꞌa e vānaŋa taꞌe tano rō ꞌā o ruŋa.

Rōmano 10:18

Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

Rōmano 16:19

Ko ꞌite ꞌana te taina taꞌatoꞌa e haꞌatura rō ꞌana a kōrua ki te ꞌAtua, ꞌe e koa rō ꞌana a au ꞌo te ai o kōrua pē ira. Te meꞌe nō, e haka tere kōrua i a kōrua ꞌā hai manaꞌu ꞌAtua, ki aŋa ki oho nō ai kōrua i te meꞌe riva-riva, taꞌe i te meꞌe taꞌe tano.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 1:4

He māuru-uru nō tāꞌaku aŋa ki te ꞌAtua mo kōrua ꞌi te riva rahi vaꞌai atu e ia hai Ietū Kiritō.

2 Kōrinto 2:14

He māuru-uru a au ki te ꞌAtua. ꞌĀꞌana, paꞌi, te vaꞌai mai i te pūai mo rē ki te meꞌe taꞌatoꞌa ꞌo te ai o mātou o te Kiritō. ꞌE ꞌāꞌana takoꞌa te hāꞌūꞌū mai mo haka ꞌite i te ⌊roŋo riva-riva o ruŋa i a Ietū⌋, roŋo pa he manoꞌi ꞌeo tuꞌu ki te kona taꞌatoꞌa.

Ēfeto 1:15

Mai te hora ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū ꞌe e haŋa rō ꞌana ki te nuꞌu haꞌataꞌa e te ꞌAtua māꞌana,

Ēfeto 1:16

tāꞌaku aŋa he māuru-uru nō ki a ia mo kōrua ꞌi roto i tāꞌaku pure.

Ēfeto 3:21

Ka haꞌahana-hana te taŋata i te ꞌAtua, ꞌi te hora nei ꞌe ki te hopeꞌa raꞌa, ꞌi te pūai nui-nui ōꞌona haka takeꞌa e ia hai Ietū Kiritō ꞌe hai nuꞌu taꞌatoꞌa haka moe i te manaꞌu ꞌi ruŋa i a ia. Ka ai pē ira.

Ēfeto 5:20

ꞌO te ai o kōrua ꞌa Ietū Kiritō, Pūꞌoko Haka Tere o tātou, e māuru-uru e oho ki te ꞌAtua Matuꞌa mo te meꞌe taꞌatoꞌa.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 1:3

ꞌI te taꞌatoꞌa nō hora manaꞌu ōꞌoku ki a kōrua e māuru-uru nei au mo kōrua ki te tātou ꞌAtua,

Kōrosa 1:3

E pure nei a mātou, te nuꞌu taina o nei, mo kōrua, e māuru-uru rō ꞌana ki te ꞌAtua, Matuꞌa o te tātou Pūꞌoko Haka Tere ko Ietū Kiritō.

1 Tētārōnika 1:2

He māuru-uru nō te mātou aŋa ki te ꞌAtua mo kōrua ꞌe, ꞌi roto i te mātou pure, e no-noꞌi takoꞌa rō ꞌā mo kōrua.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

2 Timoteo 1:3

E Timoteo, hai māhatu maꞌitaki a au e aŋa nei ki te ꞌAtua, pa he meꞌe aŋa e tōꞌoku tupuna. ꞌE ꞌi tōꞌoku pure iŋa ꞌi te pō ꞌe ꞌi te ꞌōtea, e māuru-uru nei a au mōꞌou.

Firemono 1:4

ꞌI tōꞌoku pure iŋa paurō te mahana e māuru-uru nei a au ki te ꞌAtua mōꞌou, e Firemono ē.

ꞌEvereo 13:15

Te meꞌe mo aŋa mo oho nō o tātou hai Ietū Kiritō he haꞌahana-hana ꞌe he māuru-uru ki te ꞌAtua. Te haꞌahana-hana nei he tūtia tano mo vaꞌai ki a ia e te nuꞌu kī: a Ietū he Pūꞌoko Haka Tere o rāua.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.