Rōmano 1:6 - Rapa Nui

^6-7 ꞌI roto i rā nuꞌu a kōrua takoꞌa. Te ꞌAtua, paꞌi, e haŋa rahi rō atu ꞌana ki a kōrua ki te nuꞌu o Roma. Hai haŋa ōꞌona e ai ena a kōrua he taŋata ꞌa Ietū Kiritō ꞌe e ai takoꞌa ena o roto i te nūnaꞌa taŋata haꞌataꞌa māꞌana. Ka ai ꞌi ruŋa i a kōrua te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

Rōmano 1:6 ပူးပေါင်းရင်းမြစ်များ

Rōmano 9:24

A tātou taꞌatoꞌa, paꞌi, he nuꞌu haꞌataꞌa māꞌana ka hūrio ꞌe ka taꞌe hūrio.

1 Kōrinto 1:9

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

Karatia 1:6

Ko māere riva-riva ꞌana a au ꞌi te hōrou o kōrua mo hārui hai tuaꞌivi i te ꞌAtua ꞌe i tāꞌana hāpī parautiꞌa. O te ꞌAtua, paꞌi, i haꞌataꞌa i a kōrua māꞌana hai riva rahi mau nō o te ⌊Kiritō⌋, mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE nā kōrua e haka roŋo mai ena ki te hāpī kē manaꞌu e kōrua he ⌊roŋo riva-riva o te ꞌAtua⌋.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Kōrosa 1:21

E te taina, ꞌi muꞌa ꞌā e ꞌava-ꞌava rō ꞌana a kōrua mai te ꞌAtua, ꞌe hai meꞌe taꞌe tano aŋa e kōrua, e takeꞌa era e hārui rō ꞌana a kōrua i a ia hai tuaꞌivi.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

2 Tētārōnika 2:14

Hai hāpī haka ꞌite atu era e mātou, te ꞌAtua i aŋa ai mo haka moe mo oho nō kōrua i te manaꞌu ꞌi ruŋa i a Ietū, ki oꞌo ai kōrua ki roto i te nui-nui ōꞌona, te auraꞌa, ki ai takoꞌa ai i a kōrua tōꞌona huru riva.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

1 Pētero 2:21

Mo nei meꞌe te ꞌAtua i haꞌataꞌa ai i a tātou. Te Kiritō, paꞌi, i ꞌamo rō pē ira i te ꞌati mo tātou, ꞌe pē ira i haka rē mai ai i te haꞌaauraꞌa pē hē a tātou ana haka tere.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

2 Pētero 1:10

ꞌO ira, e te taina ē, e vaꞌai tahi kōrua i a kōrua mo tano o te kōrua noho iŋa ki te mata o te ꞌAtua, ki takeꞌa ai e te nuꞌu: he parautiꞌa mau ꞌā a kōrua he nuꞌu haꞌataꞌa e te ꞌAtua māꞌana mo haka moe i te manaꞌu ꞌi ruŋa i a Ietū. Mo aŋa o kōrua pē ira, e ko haka tapa kōrua mai te ara parautiꞌa ki te hora hopeꞌa,

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.

Meꞌe Haka Takeꞌa 17:14

E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».