Rōmano 1:28 - Rapa Nui

²⁸ ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 1:28 ပူးပေါင်းရင်းမြစ်များ

Aŋa o te ꞌĀpōtoro 17:23

I uꞌi i oho era a au i te kona aŋa o kōrua i te tūtia, he takeꞌa e au e tahi o rā ŋā kona e pāpaꞌi rō ꞌā ꞌi ruŋa: “Ki te ꞌatua taꞌe ꞌite mai ko ai a ia”. ꞌE, ka ai atu kai ꞌite hia a kōrua ko ai, ko haꞌamuri ko oho nō mai era ꞌā kōrua ki a ia. Hora nei, ꞌī a au he haka ꞌite atu ko ai a ia.

Aŋa o te ꞌĀpōtoro 17:32

I ŋaroꞌa era i te vānaŋa o ruŋa o te ora iŋa mai te mate e te nuꞌu taka-taka ꞌi ira, tētahi he haka ka-kata i a Pauro, ꞌe tētahi atu i kī: «E haŋa rō ꞌana a mātou mo haka roŋo haka ꞌou, ꞌi te tētahi mahana, i taꞌa vānaŋa».

Rōmano 1:18

Mai te raŋi ꞌā te ꞌAtua e haka ꞌite mai ena i tōꞌona riri mo te taŋata aŋa i te meꞌe taꞌe tano, he nuꞌu hai meꞌe taꞌe tano aŋa e rāua e naꞌa ena i te parautiꞌa ꞌo ꞌite e te taŋata.

Rōmano 1:21

A rāua ko ꞌite ꞌana ko ai te ꞌAtua ꞌe, ka ai atu pē ira, ꞌina he moꞌa ꞌe ꞌina he māuru-uru. Te meꞌe manaꞌu nō he meꞌe maꞌa-maꞌa ꞌe, ꞌi te taꞌe haŋa mo haka topa riva-riva i te manaꞌu, ꞌina he aŋi-aŋi haka ꞌou i te parautiꞌa.

Rōmano 1:24

ꞌO ira i vaꞌai ai e te ꞌAtua ki te rima o te meꞌe taꞌe tano pohe e rāua. He noho mau rō ꞌai ia rā nuꞌu he aŋa hai hakari i te rāua meꞌe taꞌe tano haŋa mo aŋa ꞌi roto i a rāua ꞌā, ꞌātā ki te meꞌe hopeꞌa ena o te hano-hano.

Rōmano 1:26

ꞌO ira i haka rē atu ai e te ꞌAtua ki te meꞌe taꞌe tano pohe e te hakari. He noho rō atu ꞌai ia rā nuꞌu he aŋa i te rāua meꞌe nō era i haŋa, he meꞌe hopeꞌa o te hano-hano. ꞌĀtā te ŋā viꞌe o rāua ꞌina he haŋa haka ꞌou ki te taŋata; ko pohe ꞌana ki te viꞌe ꞌā.

1 Kōrinto 15:34

E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

2 Kōrinto 10:5

ꞌe pē ira takoꞌa ꞌā ki te manaꞌu o te nuꞌu teꞌo-teꞌo taꞌe haꞌatiꞌa i a rāua mo māhani ki te ꞌAtua. Pē ira e hāꞌūꞌū nei a mātou ki te nuꞌu mo huri ki te ꞌAtua ꞌe mo manaꞌu o rāua pa he meꞌe haŋa o te Kiritō.

Ēfeto 5:4

ꞌIna kōrua ko vānaŋa i te meꞌe hano-hano, ꞌina ko kī i te vānaŋa maꞌa-maꞌa ꞌe i te vānaŋa ꞌi-ꞌino. Te meꞌe o kōrua mo aŋa he haꞌahana-hana i te ꞌAtua.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

2 Timoteo 3:8

Te nuꞌu hāpī era i te ŋā viꞌe hai reo-reo he nuꞌu manaꞌu taꞌe tano, haka tapa i te rāua manaꞌu mai ruŋa i te ꞌAtua. Pa he taꞌe haka roŋo iŋa era ꞌā o Hane ararua ko Hampere ki a ⌊Mōtē⌋ te taꞌe haka roŋo o rā nuꞌu i te hāpī parautiꞌa o te ꞌAtua.

Tito 1:16

Pē nei e kī ena: e māhani rō ꞌā a rāua ki te ꞌAtua, ꞌe hai meꞌe aŋa e takeꞌa ena ꞌina kai māhani. A rāua, paꞌi, he nuꞌu taparahi-taꞌata, taꞌe haka roŋo ki te ꞌAtua. ꞌO ira e ko tano mo aŋa i te meꞌe riva-riva ki te mata o te ꞌAtua.

Firemono 1:8

E Firemono, e tano nō a au mo kī atu hai ꞌīŋoa o Ietū Kiritō, he aha taꞌa meꞌe mo aŋa,

2 Pētero 3:5

Te nuꞌu era e haka rehu rō ꞌā pē nei ē: ko ai era ꞌana te raŋi ꞌe te henua, ꞌe o te ꞌAtua i haka eꞌa mai roto i te vai ꞌe i haka noho ꞌi tōꞌona kona hai kī mau nō e ia.