Rōmano 1:23 - Rapa Nui

²³ he taꞌe haꞌamuri ki te ꞌAtua parautiꞌa. E haꞌamuri ena ki te ꞌītoro aŋa e rāua pa he taŋata, pa he manu rere, pa he manu vaꞌe e hā ꞌe pa he manu to-toro ꞌi ruŋa i te ꞌōꞌone.

Rōmano 1:23 ပူးပေါင်းရင်းမြစ်များ

Aŋa o te ꞌĀpōtoro 10:12

ꞌI roto i rā meꞌe rauhuru huru o te ꞌanimare, ki te haka tere iŋa o te hūrio, e ko tano mo kai e rāua.

Aŋa o te ꞌĀpōtoro 17:29

ꞌE a tātou he ŋā poki mau ꞌā o te ꞌAtua; ꞌāꞌana, paꞌi, a tātou i aŋa. »ꞌO ira, ꞌina a tātou ko manaꞌu i a ia he meꞌe tarai ꞌe aŋa e te taŋata hai ꞌoro, hai parata, hai māꞌea ꞌe hai tētahi atu meꞌe.

Rōmano 1:25

Te nuꞌu nei ꞌina he haŋa ki te parautiꞌa o te ꞌAtua; he reo-reo te meꞌe haŋa. E haꞌamuri ꞌe e haꞌahana-hana ena ki te meꞌe o te ao aŋa e te ꞌAtua, taꞌe ki te ꞌAtua, kope aŋa i rā ŋā meꞌe, kope ki a ia ana haꞌamuri ꞌe ana haꞌahana-hana e te taꞌatoꞌa ꞌātā ki te hopeꞌa raꞌa.

1 Kōrinto 12:2

A kōrua ko ꞌite riva-riva ꞌana: hora era kai haka moe ꞌana i te manaꞌu ꞌi ruŋa i a Ietū, e haka rē nō ꞌana a kōrua i a kōrua mo haꞌamuri ki te ꞌītoro, ki te meꞌe reꞌo kore.

1 Pētero 4:3

A kōrua, matahiti rahi i aŋa i oho ai i te meꞌe aŋa e te nuꞌu taꞌe haŋa ki te ꞌAtua. Te noho iŋa o kōrua ꞌi rā hora noho iŋa taꞌe tano: e aŋa ꞌana i te meꞌe taꞌe tano pohe e te hakari, i te ŋoŋoro taꞌe hāito i te kai ꞌe i te ꞌava, ꞌe e haꞌamuri ꞌana ki te ꞌītoro, meꞌe hano-hano mo te ꞌAtua.

Meꞌe Haka Takeꞌa 9:20

ꞌE te tētahi nuꞌu taꞌe mā-mate era ꞌi rā ŋā ꞌati, ka ai atu ko mate ꞌana e tahi ꞌapa o te ꞌapa e toru o te taŋata, ꞌina kai haka rē i te meꞌe taꞌe tano aŋa e rāua, ꞌe ꞌina takoꞌa kai haka rē i te haꞌamuri ki te tātane, ki te ꞌītoro aŋa hai piru, hai ꞌaurī, hai māꞌea ꞌe hai miro, meꞌe ꞌina he takeꞌa, ꞌina he ŋaroꞌa ꞌe ꞌina he haꞌere.