Rōmano 1:20 - Rapa Nui

²⁰ Ka ai atu te huru o te ꞌAtua taꞌe he meꞌe mo takeꞌa hai mata, mai te aŋa iŋa era ꞌā o te ao te ꞌAtua e haka ꞌite nō mai ena i tōꞌona huru hai tāꞌana meꞌe aŋa. ꞌE te taŋata haka topa i te manaꞌu o ruŋa i te meꞌe taꞌatoꞌa aŋa e te ꞌAtua he aŋi-aŋi: te kope aŋa era i rā ŋā meꞌe he ꞌAtua, i a ia te pūai ꞌina he hopeꞌa raꞌa. ꞌO ira ꞌina he ꞌōtohe toe o te nuꞌu era mo aŋa i te rāua meꞌe taꞌe tano.

Rōmano 1:20 ပူးပေါင်းရင်းမြစ်များ

Māteo 5:45

Pē ira he takeꞌa he poki kōrua o te kōrua Matuꞌa ꞌi te raŋi; a ia, paꞌi, e haka eꞌa ena i te raꞌā mo te nuꞌu aŋa i te meꞌe riva-riva ꞌe mo te nuꞌu aŋa i te meꞌe rake-rake, ꞌe e haka hoa ena i te ꞌua mo te nuꞌu tano ki tōꞌona mata ꞌe, takoꞌa, mo te nuꞌu taꞌe tano.

Marko 10:6

I aŋa era e te ꞌAtua i te ao, he aŋa takoꞌa i te taŋata ꞌe i te viꞌe mo kenu mo viꞌe.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 15:22

»ꞌĀhani a au i taꞌe tuꞌu mai ꞌe i taꞌe haka ꞌite i te parautiꞌa, e ko ai te rāua hape ꞌo te hārui mai i a au ꞌe i tāꞌaku vānaŋa hai tuaꞌivi. ꞌE, hora nei, ꞌina he ꞌōtohe toe mo te rāua hara.

Aŋa o te ꞌĀpōtoro 17:29

ꞌE a tātou he ŋā poki mau ꞌā o te ꞌAtua; ꞌāꞌana, paꞌi, a tātou i aŋa. »ꞌO ira, ꞌina a tātou ko manaꞌu i a ia he meꞌe tarai ꞌe aŋa e te taŋata hai ꞌoro, hai parata, hai māꞌea ꞌe hai tētahi atu meꞌe.

Aŋa o te ꞌĀpōtoro 22:1

«E kuā koro, e kuā taina ē, ka haka roŋo mai tāꞌaku meꞌe ka kī atu ena».

Rōmano 1:19

Te meꞌe mo ꞌite o ruŋa i te ꞌAtua, e ko taꞌe ꞌite e rāua; ko haka takeꞌa nō era ꞌana, paꞌi, e ia mau ꞌā.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 2:1

ꞌO ira ꞌina he ꞌōtohe toe mōꞌou, e te kope tuhi i te hape o te rua ē, ka ai nō atu ko ai koe. Mo tuhi ōꞌou i te hape o te tētahi, e tuhi takoꞌa ꞌana koe i tuꞌu hape; te meꞌe aŋa, paꞌi, e rā nuꞌu, e aŋa takoꞌa rō ꞌana e koe.

Rōmano 2:15

Hai meꞌe aŋa e te nuꞌu nei e takeꞌa ena e maꞌu rō ꞌā ꞌi roto i a rāua te hāpī o te haka tere iŋa ꞌa Mōtē. ꞌI roto i te rāua manaꞌu, paꞌi, te meꞌe kī i te tano ꞌe taꞌe tano o te rāua meꞌe aŋa. ꞌE mo rā meꞌe mau ꞌā e tuhi i te rāua hape ꞌo e kī i te rāua taꞌe hape

1 Kōrinto 1:20

¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.

Kōrosa 1:15

O te ⌊Kiritō⌋ te haka ꞌite mai i te huru o te ꞌAtua, kope ꞌina he takeꞌa e tātou. Te Kiritō ko ai era ꞌana ꞌi raꞌe ki te aŋa i te ao, ꞌe i hau rō atu ki te meꞌe taꞌatoꞌa aŋa e te ꞌAtua.

Kōrosa 2:9

Te huru ꞌe te pūai taꞌatoꞌa, paꞌi, o te ꞌAtua i a Ietū Kiritō, ka ai atu tōꞌona hakari hakari taŋata.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

1 Timoteo 6:16

ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

ꞌEvereo 11:27

He haka moe o Mōtē i te manaꞌu ꞌi ruŋa i te ꞌAtua i eꞌa i oho ai mai te henua era ko Ehipto ꞌina kai riꞌa-riꞌa ꞌo riri te ꞌariki. He oho mau rō ꞌai ꞌe ꞌina kai hārui haka ꞌou a tuꞌa; e tuꞌu rō ꞌā pa he meꞌe ena ē: tōꞌona mata ꞌi ruŋa i te ꞌAtua ꞌā.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.