Rōmano 1:18 - Rapa Nui

¹⁸ Mai te raŋi ꞌā te ꞌAtua e haka ꞌite mai ena i tōꞌona riri mo te taŋata aŋa i te meꞌe taꞌe tano, he nuꞌu hai meꞌe taꞌe tano aŋa e rāua e naꞌa ena i te parautiꞌa ꞌo ꞌite e te taŋata.

Rōmano 1:18 ပူးပေါင်းရင်းမြစ်များ

Rōmano 1:19

Te meꞌe mo ꞌite o ruŋa i te ꞌAtua, e ko taꞌe ꞌite e rāua; ko haka takeꞌa nō era ꞌana, paꞌi, e ia mau ꞌā.

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 1:32

Te nuꞌu nei e ꞌite riva-riva rō ꞌana pē nei ē: te ꞌAtua ko kī ꞌā: te ūtuꞌa mo te nuꞌu aŋa i te ŋā meꞌe nei he mate; ꞌe, ka ai atu pē ira, ko te aŋa ko te oho iŋa ꞌā, ꞌe ꞌātā e koa rō ꞌana mo takeꞌa i te rua e aŋa ꞌana i nei ŋā meꞌe.

Rōmano 2:3

ꞌE a koe, e te kope tuhi i te hape o te rua ꞌe aŋa takoꞌa i te meꞌe aŋa e rā kope ē, ꞌina ko manaꞌu he ora koe mai te ūtuꞌa o te ꞌAtua.

Rōmano 3:9

¿Pē hē ia te meꞌe nei? ¿ꞌAta hau hō tātou te hūrio ki te mata o te ꞌAtua ki te nuꞌu taꞌe he hūrio? Taꞌe pē ira. Nā ko haka ꞌite atu ꞌana pē nei ē: ka hūrio, ka taꞌe hūrio, taꞌatoꞌa nō he nuꞌu hara.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 5:6

Hora era ꞌina he rāveꞌa toe o tātou o te taŋata mo eꞌa mai roto i te hara, i mate ai te ⌊Kiritō⌋ mo tātou, hora kī mau era ꞌā mo mate.

Rōmano 5:9

Mo ai hai Ietū Kiritō ꞌe hai haka moe o tātou i te manaꞌu ꞌi ruŋa i te meꞌe aŋa era e ia mo tātou ꞌi ruŋa i te tātaurō i kī ai e te ꞌAtua e tano rō ꞌana a tātou ki tōꞌona mata, e ꞌite riva-riva nei: hai ia ka eꞌa ena tātou mai roto i te ūtuꞌa o te hara ꞌi te hora o te haka ūtuꞌa.

Rōmano 6:13

ꞌIna ko vaꞌai i te kōrua hakari ki te hara, ꞌo riro te hakari he meꞌe mo aŋa o te meꞌe taꞌe tano. Te meꞌe o kōrua mo aŋa, pa he taŋata ora haka ꞌou mai te mate, he vaꞌai i a kōrua ki te ꞌAtua mo haka tere atu, ꞌe te kōrua hakari pa he meꞌe mo aŋa o te meꞌe tī-tika ꞌi muꞌa ōꞌona.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Kōrosa 3:6

ꞌI te ŋā meꞌe nei ka topa ena te ūtuꞌa taparahi-taꞌata o te ꞌAtua ꞌi ruŋa i te nuꞌu taꞌe haꞌatura ki a ia.

2 Tētārōnika 2:10

Hai rauhuru nō atu meꞌe taꞌe tano ka reo-reo ena ki te nuꞌu ꞌi ruŋa i a rāua te ūtuꞌa o te ꞌAtua ꞌo te taꞌe haŋa mo haka moe i te rāua manaꞌu ꞌi ruŋa i te parautiꞌa o ruŋa i a Ietū Kiritō, mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

2 Tētārōnika 2:6

ꞌE ko ꞌite ꞌā e kōrua ko ai te kope haka noho i rā taŋata, ꞌo tuꞌu mai ꞌi raꞌe ki te hora kī e te ꞌAtua.