Rōmano 1:17 - Rapa Nui

¹⁷ Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 1:17 ပူးပေါင်းရင်းမြစ်များ

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Rōmano 10:3

Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.

Rōmano 3:21

ꞌE, ꞌi te hora nei, ko haka aŋi-aŋi mai ꞌana e te ꞌAtua i te meꞌe hāꞌaki o ruŋa i te haka tere iŋa ꞌa Mōtē ꞌe o ruŋa i te meꞌe pāpaꞌi e te perofeta: pē hē te ꞌAtua e haka tano ena i te taŋata ki tōꞌona mata, ꞌe rā meꞌe taꞌe hai haꞌatura ki te haka tere iŋa ꞌa Mōtē,

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

Rōmano 9:30

¿He aha ia te tātou meꞌe mo kī o ruŋa i te ŋā meꞌe taꞌatoꞌa nei? Hai haka moe i te manaꞌu ꞌi ruŋa i a Ietū, te ꞌAtua i haka tano ai ki tōꞌona mata i te nuꞌu taꞌe he hūrio, nuꞌu taꞌe kimi i te rāveꞌa mo tano o rāua ki tōꞌona mata.

2 Kōrinto 3:9

Mo ai he meꞌe pūai ꞌe nui-nui te haka tere iŋa tuai o te ꞌAtua ananake ko te taŋata maꞌu mai i te ūtuꞌa, ¿e ko ai hō te ⌊haka tere iŋa ꞌāpī o te ꞌAtua ananake ko te taŋata⌋ haka tano i te taŋata ki te mata o te ꞌAtua he meꞌe ꞌata hau rō atu ꞌi te pūai ꞌe ꞌi te nui-nui?

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 3:11

Hai meꞌe nei e ꞌite ena ꞌina e tahi taŋata mo tano ki te mata o te ꞌAtua hai haꞌatura ki te haka tere iŋa ꞌa Mōtē, ꞌi te meꞌe era e hāꞌaki rō ꞌana ꞌi ruŋa i te Pāpaꞌi Moꞌa pē nei ē: «Te kope kī e te ꞌAtua e tano rō ꞌana ki tōꞌona mata ꞌo te haka moe i te manaꞌu ꞌi ruŋa i a ia, he ravaꞌa i te ora ꞌāpī ꞌina he hopeꞌa raꞌa».

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

ꞌEvereo 10:38

Te nuꞌu tano ki tōꞌoku mata ꞌi te ⌊haka moe i te manaꞌu⌋ ꞌi ruŋa i a au, he ravaꞌa i te ora ꞌāpī ꞌina he hopeꞌa raꞌa. ꞌE mo haka tapa te manaꞌu mai ruŋa i a au, e ko koa a au».