Rōmano 1:14 - Rapa Nui

¹⁴ Ki te taŋata taꞌatoꞌa a au ana haka ꞌite i te roŋo riva-riva o te ꞌAtua, ka ai atu he nuꞌu ai o te hāpī ꞌo taꞌe ai o te hāpī, he nuꞌu mārama-rama, ꞌo taꞌe mārama-rama.

Rōmano 1:14 ပူးပေါင်းရင်းမြစ်များ

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Ruka 10:21

ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Aŋa o te ꞌĀpōtoro 22:21

»He kī mai e Ietū: “Ka oho nō; ꞌī a au he uŋa i a koe ki te nuꞌu taꞌe he hūrio noho ꞌi te ŋā henua ena e roa rō ꞌā mai nei”».

Aŋa o te ꞌĀpōtoro 28:2

I hāꞌūꞌū rō mai te nuꞌu o ira. ꞌI te hoa o te ꞌua ꞌe ꞌi te takeꞌo, he haka hū e rā nuꞌu i te ahi ꞌe he kī mai mo haka hāhine mo haka mahana.

Aŋa o te ꞌĀpōtoro 28:4

I takeꞌa era e te nuꞌu o rā motu i te kōreha ko taka ꞌā ꞌi te rima o Pauro, he kī ki a rāua ꞌā: «Pe he meꞌe ena ē: te kope era kope taparahi-taꞌata tiŋaꞌi haka mate i te rua; ka ai atu ko ora ꞌā mai te ꞌati o roto i te vaikava, ꞌina he haka rē e te ꞌatua mo ora».

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Rōmano 1:22

E kī ena he nuꞌu mārama-rama a rāua, ꞌe te parautiꞌa nuꞌu taꞌe mārama-rama,

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 12:16

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

Rōmano 13:8

E hāpaꞌo ꞌo ai tuꞌu tārahu. Te tārahu mau nō mo ai ōꞌou he haŋa ki te rua; te kope haŋa ki te rua e haka tano ꞌana i te meꞌe taꞌatoꞌa kī ꞌi ruŋa i te ⌊haka tere iŋa ꞌa Mōtē⌋.

Rōmano 16:19

Ko ꞌite ꞌana te taina taꞌatoꞌa e haꞌatura rō ꞌana a kōrua ki te ꞌAtua, ꞌe e koa rō ꞌana a au ꞌo te ai o kōrua pē ira. Te meꞌe nō, e haka tere kōrua i a kōrua ꞌā hai manaꞌu ꞌAtua, ki aŋa ki oho nō ai kōrua i te meꞌe riva-riva, taꞌe i te meꞌe taꞌe tano.

Rōmano 8:12

ꞌO ira, e te taina ē, e ai rō ꞌana te tātou meꞌe mo aŋa, ꞌe rā meꞌe taꞌe he aŋa he oho i te meꞌe pohe nō e te hakari.

1 Kōrinto 14:11

Mo taꞌe aŋi-aŋi e au i te ꞌarero vānaŋa e te kope e tahi, he tuꞌu a au pa he taŋata o te rua henua mo rā kope ꞌe a ia takoꞌa mōꞌoku.

1 Kōrinto 14:16

Mo haꞌahana-hana ōꞌou ki te ꞌAtua hai ꞌarero vaꞌai atu e te Vārua Maitai, ꞌe he ŋaroꞌa e te kope e tahi, e ko riva te kope era mo hokorua atu ꞌi taꞌa pure ꞌi te meꞌe era ꞌina he aŋi-aŋi i taꞌu vānaŋa.

1 Kōrinto 2:13

ꞌO ira, hora ena o mātou e hāpī ena o ruŋa i te ꞌAtua, e vānaŋa nei hai vānaŋa haka ꞌite mai e te Vārua Maitai, taꞌe hai vānaŋa mārama-rama hāpī mai e te taŋata. Pē ira e haꞌaauraꞌa nei i te meꞌe o te ꞌAtua hai vānaŋa vaꞌai mai e te Vārua Maitai.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

2 Kōrinto 10:12

Taꞌe mātou o roto o te nuꞌu teꞌo-teꞌo. Te nuꞌu nei, ꞌi te hora uꞌi hoki e tano rō ꞌā te rāua aŋa mo te ꞌAtua, e hāito ena hai meꞌe aŋa ꞌe manaꞌu e rāua mau ꞌā, taꞌe ꞌō hai manaꞌu o te ꞌAtua. ¡Te oho iŋa nei he meꞌe maꞌa-maꞌa e tahi!

2 Kōrinto 11:19

¡A kōrua e manaꞌu ena he nuꞌu mārama-rama kōrua, ꞌe te aŋa he haꞌaoromaꞌi hai haŋa i te nuꞌu maꞌa-maꞌa!

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.