Rōmano 1:11 - Rapa Nui

¹¹ E haŋa rō ꞌā a au mo ai atu ōꞌoku ꞌi muri i a kōrua mo haka ꞌite atu i te meꞌe hāpī mai e te Vārua Maitai, ki ꞌata pūai ai te kōrua manaꞌu ꞌi ruŋa i te ꞌAtua.

Rōmano 1:11 ပူးပေါင်းရင်းမြစ်များ

Aŋa o te ꞌĀpōtoro 16:5

ꞌE te nuꞌu haka moe i te manaꞌu ꞌi ruŋa i a Ietū o rā ŋā kona ia, pe te ꞌata hio-hio nō te manaꞌu, ꞌe paurō te mahana pe te ꞌata rahi nō e oho era.

Aŋa o te ꞌĀpōtoro 19:21

I oti era te ŋā meꞌe nei, he manaꞌu a Pauro mo oho ki Mātērōnia ꞌe ki Ākāia, ꞌe mai ira ki Hērutarema. He kī: «Ki tuꞌu a au ki Hērutarema he oho a au ki Roma».

Aŋa o te ꞌĀpōtoro 19:6

I haka puā era e Pauro i te rima, he turu takoꞌa ki ruŋa i rā nuꞌu te Vārua Maitai ꞌe he haꞌamata he vānaŋa hai ꞌarero kē-kē, ꞌe he kī i te meꞌe i haka vānaŋa e te ꞌAtua.

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

Rōmano 15:23

ꞌE, hora nei, ꞌi te oti o tāꞌaku aŋa ꞌi te ŋā kona nei, ꞌe ꞌi te rahi o tōꞌoku matahiti haŋa mo oho atu ki a kōrua ꞌi Roma,

Rōmano 15:29

ꞌE, ko ꞌite riva-riva ꞌana a au pē nei ē: ki tuꞌu atu a au, ka ꞌata haꞌamaitai mai ena e te Kiritō i a tātou taꞌatoꞌa.

Rōmano 15:32

Pē ira, ki oti te aŋa nei, he oho atu a au ki a kōrua, ana haŋa te ꞌAtua, hai koa, mo haka ora ꞌe mo haka pūai haka ꞌou i te tātou manaꞌu.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

2 Kōrinto 1:15

ꞌE he ꞌite ōꞌoku e koa rō ꞌana a kōrua mo mātou, i topa mai ai te manaꞌu mo hipa atu mo uꞌi i a kōrua ꞌi tōꞌoku ara ki Mātērōnia ꞌe, takoꞌa, ꞌi tōꞌoku hoki iŋa mai; pē ira e rua tātou koa iŋa. ꞌE ꞌi tōꞌoku hoki iŋa mai takoꞌa, e tano nō kōrua mo hāꞌūꞌū mai hai rāveꞌa mo tōꞌoku ara ki Hūrea, ana haŋa kōrua.

2 Kōrinto 1:21

ꞌĀꞌana, paꞌi, te haka pūai i te tātou haka moe iŋa i te manaꞌu ꞌi ruŋa i te Kiritō, ꞌe te haꞌataꞌa i a tātou māꞌana.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 9:14

ꞌE ꞌātā he pure hai māhatu mo kōrua ꞌi te takeꞌa i te riva rahi o te ꞌAtua ꞌi ruŋa i a kōrua.

Fīripo 1:8

He ꞌAtua te meꞌe i ꞌite i te rahi o tōꞌoku manaꞌu mo kōrua taꞌatoꞌa; tōꞌoku haŋa ki a kōrua pa he haŋa iŋa atu ena ꞌā o Ietū Kiritō.

Fīripo 2:26

A Epafororito e koromaki rō ꞌana ki a kōrua taꞌatoꞌa. ꞌĪ e manaꞌu rahi atu ena ꞌi te ꞌite o kōrua pē nei ē: i māui-ui rō a ia.

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

2 Tētārōnika 2:17

e haka pūai atu i te māhatu ꞌe e vaꞌai atu i te pūai mo aŋa ꞌe mo kī mo oho i te meꞌe riva-riva mau nō.

2 Tētārōnika 3:3

Ka ai atu pē ira, te tātou Pūꞌoko Haka Tere ko Ietū e ko taꞌe haka tano i tāꞌana meꞌe kī, ꞌe māꞌana e haka pūai ꞌe e hāpaꞌo atu ꞌo haka hara i a kōrua e Rukifero.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

2 Pētero 1:12

ꞌO ira a au, e te taina ē, ka haka manaꞌu ka oho atu ena o ruŋa i te meꞌe taꞌatoꞌa ena, ka ai atu, nā e maꞌu hio-hio mai ena kōrua i nā parautiꞌa.