Meꞌe Haka Takeꞌa 9:1 - Rapa Nui

¹ He puhi te rima merahi i tāꞌana koneta. He takeꞌa e au i te hetuꞌu e tahi viri ki ruŋa i te henua. Te hetuꞌu nei he merahi o te kona pū ꞌina he hopeꞌa o te raro nui. Ki a ia i vaꞌai ai i te tāviri o rā kona.

Meꞌe Haka Takeꞌa 9:1 ပူးပေါင်းရင်းမြစ်များ

Ruka 10:18

He kī e Ietū: —ꞌĒ-ē, i takeꞌa rō e au i a Rukifero te viri iŋa mai te raŋi pa he ꞌuira.

Ruka 8:31

He ani ia ki a Ietū e rā ŋā tātane mo taꞌe tū-tute i a rāua ki roto i te pōꞌauahi.

Rōmano 10:7

ꞌE ꞌina takoꞌa koe ko kī ꞌi roto i a koe: “Mo haka moe ōꞌou i tuꞌu manaꞌu ꞌi ruŋa i te Kiritō, e topa ꞌi raꞌe e tahi kope ki raro atu era ki te kona o te nuꞌu mate mo haka eꞌa mai i te Kiritō mo haka ꞌite atu i tāꞌana roŋo”».

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 11:7

Ki oti te rāua aŋa, he haka ꞌite i te roŋo o te ꞌAtua, te manuꞌino taparahi-taꞌata eꞌa mai raro i te pū ꞌina he hopeꞌa te raro nui he moto ki a rāua ꞌe he rē. He tiŋaꞌi ia he haka mate i rā ŋā mataꞌite.

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.

Meꞌe Haka Takeꞌa 20:1

I oho era he takeꞌa e au ka topa te merahi e tahi mai te raŋi e maꞌu rō ꞌana i te tāviri o te kona pū ꞌina he hopeꞌa o te raro nui. E maꞌu takoꞌa rō ꞌana ꞌi te rima i te vivi nui-nui e tahi.

Meꞌe Haka Takeꞌa 20:10

ꞌE a Rukifero, reo-reo era ki rā nuꞌu, ko hoa ꞌā ki roto i te kona ahi era, kona ꞌi ira e ura ena te azufre, kona ki ira takoꞌa i hoa ai i tū manuꞌino era ꞌe i tū perofeta reo-reo era. ꞌI ira ka oꞌo era te māui-ui ki roto i te ivi ka pō ka ꞌōtea ꞌātā ki te hopeꞌa raꞌa.

Meꞌe Haka Takeꞌa 6:13

Te hetuꞌu he vī-viri ki ruŋa i te henua, pa he viri iŋa ena o te pika mata mai ruŋa i te tumu ꞌi te hora ue-ue pūai e te tokerau.

Meꞌe Haka Takeꞌa 8:10

He puhi te toru merahi i tāꞌana koneta. He viri mai te raŋi te hetuꞌu nui-nui e tahi e ura rō ꞌana pa he rama ki roto i te ꞌapa e tahi o te ꞌapa e toru o te rio ꞌe o te kona manana vai.

Meꞌe Haka Takeꞌa 8:12

He puhi te hā merahi i tāꞌana koneta. He haka kore i te māꞌeha o te ꞌapa e tahi o te ꞌapa e toru o te raꞌā, o te māhina ꞌe o te hetuꞌu, ꞌe he pōhāhā rā ꞌapa. Pē ira i pōhāhā ai e tahi ꞌapa o te ꞌapa e toru o te pō ꞌe o te ꞌōtea.

Meꞌe Haka Takeꞌa 8:2

He takeꞌa ia e au e hitu merahi e māroa rō ꞌana ꞌi muꞌa o te ꞌAtua, ꞌe he vaꞌai ki a rāua e hitu koneta.

Meꞌe Haka Takeꞌa 9:2

He mātaki ia e rā merahi i tū pū era, ꞌe mai roto i eꞌa ai te ꞌau tuꞌu pa he ꞌau eꞌa mai roto i te rona nui-nui. He pōꞌuri te raꞌā ꞌe he ꞌehu-ꞌehu te henua.