Meꞌe Haka Takeꞌa 7:9 - Rapa Nui

⁹ I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.

Meꞌe Haka Takeꞌa 7:9 ပူးပေါင်းရင်းမြစ်များ

Ruka 12:1

I oho era he taka-taka te taŋata ka taꞌutini ka taꞌutini; ꞌi te rahi, he rei-rei i a rāua ꞌā. ꞌE a Ietū ꞌi raꞌe i haꞌamata i vānaŋa ai ki tāꞌana nuꞌu hāpī pē nei ē: «E hāpaꞌo ꞌo riro kōrua nuꞌu riva a te haho nō pa he ⌊fariseo⌋. Te huru o rāua ꞌi roto i te taŋata pa he revaura e haka ahu ena i te haraoa mata.

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Ēfeto 6:13

E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

ꞌEvereo 11:12

Pē ira ꞌana a ꞌAparahama, ka ai atu ko korohuꞌa riva-riva ꞌana, i rahi nō tōꞌona hakaara pa he hetuꞌu ena ꞌā o te raŋi, ꞌe pa he ꞌone o te taha-taha tai e ko oti mo tataku.

ꞌEvereo 12:22

ꞌE te tātou haka hāhine ki te ꞌAtua ora, e te taina ē, taꞌe pē ira. E hāhine nei tātou ki a ia e tuꞌu rō ꞌana pa he meꞌe: ko uru tī-tika ꞌā a tātou ki muꞌa ōꞌona ꞌi te maꞌuŋa era ko ⌊Tione⌋ ꞌi Hērutarema o te raŋi, he kona ꞌi ira e taka-taka ena meꞌe rahi nō atu merahi e koa rō ꞌā,

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Meꞌe Haka Takeꞌa 22:3

ꞌIna e tahi meꞌe taꞌe tano ki te mata o te ꞌAtua mo oꞌo ki te ao ꞌāpī nei. Te pepe noho ꞌariki o te ꞌAtua ꞌe o te Māmoe ꞌi Hērutarema ꞌāpī nei e noho ena, ꞌe te rāua tāvini ki a rāua e haꞌamuri ena.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 5:11

E uꞌi nō ꞌana a au he ŋaroꞌa mai te reꞌo o te merahi ka miꞌi ka miꞌi haka vari i tū pepe ꞌariki era, i tū ŋā meꞌe ora era ꞌe i tū ŋāŋata ra-rahi era.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

Meꞌe Haka Takeꞌa 6:11

He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.

Meꞌe Haka Takeꞌa 7:8

e hoꞌe ꞌahuru mā piti taꞌutini o te mata o Tāvūrone, e hoꞌe ꞌahuru mā piti taꞌutini o te mata o ⌊Kōsē⌋, ꞌe e hoꞌe ꞌahuru mā piti taꞌutini o te mata o ⌊Mēhāmina⌋.