Meꞌe Haka Takeꞌa 7:16 - Rapa Nui

¹⁶ E ko maruaki haka ꞌou, e ko pohe haka ꞌou ki te vai, e ko vera haka ꞌou ꞌi te pūai o te raꞌā, ꞌe ꞌina e ko ꞌati ꞌi te veꞌa-veꞌa

Meꞌe Haka Takeꞌa 7:16 ပူးပေါင်းရင်းမြစ်များ

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Māteo 13:6

ꞌI te taꞌe hio-hio o te aka ꞌe ꞌi te pūai o te raꞌā, he paka-paka.

Māteo 5:6

Ko te koa i te nuꞌu te rāua meꞌe haŋa mau nō he tano o te haka tere iŋa o te taŋata ki te mata o te ꞌAtua; te ꞌAtua e haka tano rō i rā meꞌe.

Marko 4:17

Te meꞌe ꞌino nō, ꞌi te taꞌe raro nui o te aka, ꞌina he hio-hio. Ka riri era te nuꞌu mo rāua o ruŋa o te vānaŋa o te ꞌAtua ꞌo ka topa era te ꞌati, e ko haka noho haka ꞌou i te manaꞌu ꞌi ruŋa i te ꞌAtua.

Marko 4:6

ꞌI te taꞌe hio-hio o te aka ꞌe ꞌi te pūai o te raꞌā, he paka-paka.

Ruka 1:53

Ko haꞌaꞌī ꞌā hai taoꞌa i te nuꞌu meꞌe kore, ꞌe ko haka oho ꞌana i te nuꞌu ꞌono ꞌina e tahi meꞌe maꞌu o te rima.

Ruka 6:21

Ko te koa i a kōrua, e te nuꞌu maruaki ki te meꞌe o te ꞌAtua ē; e mākona rō kōrua. Ko te koa i a kōrua, e te nuꞌu taŋi o te hora nei ē; e koa rō kōrua.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Tanatiako 1:11

Hora ena o te raꞌā e ꞌata pūai ena he paka-paka te mauku, he vī-viri tōꞌona tiare, he kore te nehe-nehe. Pē ira takoꞌa ꞌā te taŋata ꞌono ka ŋaro ena. ꞌI te mahana e tahi, e riva-riva nō ꞌā; ꞌe ꞌi te rua mahana, ko mate ko oti ꞌā.

Meꞌe Haka Takeꞌa 21:4

He haroꞌi tahi e ia i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana».