Meꞌe Haka Takeꞌa 6:1 - Rapa Nui

¹ I oti era he takeꞌa e au i tū Māmoe era e kume ꞌā i te tāmaꞌu raꞌe o tū ŋā tāmaꞌu era e hitu. ꞌE he ŋaroꞌa e au e tahi o tū ŋā meꞌe ora era e hā e kī ꞌana hai reꞌo pūai tuꞌu pa he pātiri: «¡Ka oho mai!».

Meꞌe Haka Takeꞌa 6:1 ပူးပေါင်းရင်းမြစ်များ

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Aŋa o te ꞌĀpōtoro 4:20

A māua, paꞌi, e ko tano mo taꞌe vānaŋa o ruŋa o te meꞌe takeꞌa ꞌe ŋaroꞌa e māua.

Meꞌe Haka Takeꞌa 11:19

He mātaki mai ia te kona mo haꞌamuri ki te ꞌAtua ꞌi te raŋi. E takeꞌa nō mai ꞌā ꞌi rā kona te ⌊ꞌavahata o te haka tere iŋa o te ꞌAtua ananake ko te taŋata⌋. He ꞌanapa te ꞌuira, he heruru te pātiri, he mākenu-kenu te ao ꞌe he topa te mata-matāika taparahi-taꞌata.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 14:2

He ŋaroꞌa e au ꞌi rā hora i te heruru ꞌi te raŋi e tuꞌu rō ꞌā pa he heruru o te vai topa mai te kona ruŋa nui, pa he heruru pūai o te pātiri, ꞌe pa he heruru o te meꞌe rahi nō atu arpa.

Meꞌe Haka Takeꞌa 19:6

He ŋaroꞌa takoꞌa e au i te reꞌo o te nuꞌu rahi tuꞌu pa he heruru ena o te vai topa mai te kona ruŋa nui ꞌe pa he heruru pūai o te pātiri e kī era: «¡Ki haꞌahana-hana tahi tātou i te ꞌAtua! Ko haꞌamata ꞌā, paꞌi, ko haka tere ꞌā te tātou Pūꞌoko Haka Tere, te tātou ꞌAtua hopeꞌa o te pūai.

Meꞌe Haka Takeꞌa 4:8

Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».

Meꞌe Haka Takeꞌa 5:1

ꞌI te rima mataꞌu o te kope era e noho rō ꞌā ꞌi ruŋa i te pepe ꞌariki i takeꞌa ai e au i te taka parau e pāpaꞌi rō ꞌā te roto ꞌe te haho, ꞌe e tāmaꞌu rō ꞌana hai tāmaꞌu e hitu.

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

Meꞌe Haka Takeꞌa 5:8

I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.

Meꞌe Haka Takeꞌa 6:3

I kume era e te Māmoe i te rua tāmaꞌu, he ŋaroꞌa e au i te rua o tū ŋā meꞌe ora era e hā ka kī: «¡Ka oho mai!».

Meꞌe Haka Takeꞌa 6:5

I kume era e te Māmoe i te toru tāmaꞌu, he ŋaroꞌa e au i te toru o tū ŋā meꞌe ora era e hā ka kī: «¡Ka oho mai!». He uꞌi atu a au ko te hoi ꞌuri-ꞌuri e tahi, ꞌe ꞌi te rima o te kope eke o ruŋa te hāito.

Meꞌe Haka Takeꞌa 6:7

I kume era e te Māmoe i te hā tāmaꞌu, he ŋaroꞌa e au te kī iŋa o te hā o tū ŋā meꞌe ora era: «¡Ka oho mai!».

Meꞌe Haka Takeꞌa 8:1

I kume era e te Māmoe i te hitu tāmaꞌu mai ruŋa i tū taka parau era, e toru ꞌahuru minuti i kiva-kiva ai a ruŋa o te raŋi.