Meꞌe Haka Takeꞌa 5:9 - Rapa Nui

⁹ E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

Meꞌe Haka Takeꞌa 5:9 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 26:28

He toto nā ōꞌoku ka tehe ena mo te riva-riva o te taŋata, mo haka kore o te rāua hara. Hai nā toto ka tāpaꞌo ena i te ⌊haka tere iŋa ꞌāpī o te ꞌAtua ananake ko te taŋata⌋.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

1 Kōrinto 6:20

Ko ꞌauhau ꞌana, paꞌi, e ia i a tātou māꞌana ꞌi te hora mate era o Ietū ꞌi ruŋa i te tātaurō. ꞌO ira, te meꞌe taꞌatoꞌa aŋa e tātou hai hakari e takeꞌa e moꞌa rō ꞌana tātou i te ꞌAtua.

1 Kōrinto 7:23

Te ꞌAtua, paꞌi, hai mate iŋa era o tāꞌana Poki ko Ietū Kiritō ꞌi ruŋa i te tātaurō i ꞌauhau ai i a tātou māꞌana. ꞌO ira, ꞌina ko haꞌatiꞌa mo haka riro i a kōrua e te taŋata he ꞌekaravo o rāua.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 5:19

Pē ira he hīmene kōrua i te vānaŋa o te ꞌAtua aŋa mo hīmene, i te hīmene kati-kati mo te ꞌAtua, ꞌe i te meꞌe haka hīmene e te Vārua Maitai koia ko haꞌahana-hana hai māhatu ki te ꞌAtua.

Kōrosa 1:14

kope hai toto tehe era ōꞌona ꞌi ruŋa i te tātaurō i ꞌauhau ai i te tātou hara mo haka eꞌa i a tātou mai roto i te pōhāhā ꞌe mo haka rehu e te ꞌAtua i te tātou hara.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 11:14

Te nuꞌu kī era pē ira e haka ꞌite mai ꞌana ko te kimi ko te oho iŋa ꞌana i te kāiŋa mo rāua.

2 Pētero 2:1

I ai rō te perofeta reo-reo ꞌi roto i te itaraera. Pē ira takoꞌa ꞌana ka ai ena te maꞌori reo-reo ꞌi roto i a kōrua. ꞌĒ-ē, e oꞌo rō atu ki roto i a kōrua, mā te taꞌe ꞌite e kōrua, ꞌe e hāpī e oho rō i te hāpī taꞌe parautiꞌa maꞌu i te taina mo haka tapa mai te ara parautiꞌa o te ꞌAtua. ꞌE te ŋā maꞌori reo-reo nei ꞌātā e hārui rō hai tuaꞌivi i te tātou Pūꞌoko Haka Tere ko Ietū Kiritō, kope ꞌauhau hai toto era ōꞌona mo haka eꞌa i a tātou mai roto i te hara. ꞌE, ꞌi te aŋa pē ira, e ko roa hia ka ravaꞌa ena e rāua i te ūtuꞌa o te ꞌAtua.

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

Meꞌe Haka Takeꞌa 10:11

I oho era he kī mai e te kope e tahi: «E oho haka ꞌou koe e haka ꞌite i te roŋo o te ꞌAtua, roŋo haka ꞌite atu e ia o ruŋa i te meꞌe ka topa ena ki te nuꞌu o te meꞌe rahi nō atu hau, henua, ꞌe ꞌarero, ꞌe ki te rāua ꞌariki».

Meꞌe Haka Takeꞌa 11:9

ꞌE ꞌina he haka rē mo tanu; e toru mahana ꞌe te ꞌafa ka mātaꞌi-taꞌi ena i te hakari mate o te ŋā mataꞌite nei e te nuꞌu o te rauhuru nō atu kona, hau, ꞌarero ꞌe henua.

Meꞌe Haka Takeꞌa 13:7

I haꞌatiꞌa nō mo moto ki te nuꞌu o te ꞌAtua ꞌe mo rē ki a rāua. ꞌE i haꞌatiꞌa takoꞌa nō mo haka tere i te nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 14:6

He takeꞌa ia e au i te merahi haka ꞌou e tahi e rere rō ꞌana ꞌi vāeŋa era o te raŋi e maꞌu rō ꞌana i te roŋo ꞌina he hopeꞌa raꞌa mo haka ꞌite ki te nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 17:15

He kī haka ꞌou mai ia e tū merahi era: «Te ŋā rio takeꞌa era e koe ꞌi te kona ꞌi ira tū taiꞌo era he nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 4:11

«E te mātou Pūꞌoko Haka Tere ē, e te mātou ꞌAtua ē, mōꞌou te meꞌe he moꞌa, he haka nui-nui, ꞌe he haꞌahana-hana o te taŋata taꞌatoꞌa. ꞌĀꞌau, paꞌi, i aŋa i te meꞌe taꞌatoꞌa o te ao; hai haŋa ōꞌou e ai ena ꞌe i aŋa tahi ai».

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

Meꞌe Haka Takeꞌa 5:6

ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.