Meꞌe Haka Takeꞌa 5:12 - Rapa Nui12 Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!». အခန်းကိုကြည့်ပါ။ |
Meꞌe Haka Takeꞌa 5:12
19 ပူးပေါင်းရင်းမြစ်များ
E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.
ꞌE he ŋaroꞌa takoꞌa e au i te meꞌe taꞌatoꞌa ora aŋa e te ꞌAtua o ruŋa o te raŋi, o ruŋa o te henua, o raro o te henua ꞌe o roto i te vaikava e kī ꞌā: «¡Ki haꞌahana-hana, ki moꞌa, ꞌe ki haka nui-nui tātou ꞌātā ki te hopeꞌa raꞌa i te kope noho o ruŋa i te pepe ꞌariki ꞌe i te Māmoe; i a rāua, paꞌi, te pūai!».
ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.
I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.
ကြော်ငြာတွေ