Meꞌe Haka Takeꞌa 4:8 - Rapa Nui

⁸ Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».

Meꞌe Haka Takeꞌa 4:8 ပူးပေါင်းရင်းမြစ်များ

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

Meꞌe Haka Takeꞌa 1:4

A au a Iovani he ꞌaroha atu ki te nūnaꞌa taŋata hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia. Ka ai ꞌi ruŋa i a kōrua te riva rahi ꞌe te haumārū o te ꞌAtua o te hora nei, o muꞌa ꞌā ꞌe ka tuꞌu mai ena, o te vārua hoko hitu o muꞌa i tōꞌona pepe noho ꞌariki,

Meꞌe Haka Takeꞌa 1:8

Te ꞌAtua o te hora nei, o muꞌa ꞌā ꞌe ka tuꞌu mai ena, ꞌAtua i a ia te pūai taꞌatoꞌa, pē nei e kī ena: «A au he Haꞌamata ꞌe he Hopeꞌa».

Meꞌe Haka Takeꞌa 11:17

koia ko kī: «He māuru-uru atu mātou ki a koe, e te ꞌAtua hopeꞌa o te pūai ē, ꞌAtua o te hora nei ꞌe o muꞌa ꞌā, hai pūai nui-nui, paꞌi, ōꞌou i haꞌamata i haka tere ai koe i te ao.

Meꞌe Haka Takeꞌa 14:11

ꞌE mai te kona ꞌamo o rāua i te ūtuꞌa ka eꞌa ena te ꞌau ꞌina he hopeꞌa raꞌa, ꞌe ꞌi ira, ka pō ka ꞌōtea, ꞌina he haka ora te nuꞌu haꞌamuri ki te manuꞌino ꞌe ki te ꞌītoro aŋa pē ia haka tāpaꞌo i a rāua hai ꞌīŋoa o rā manuꞌino».

Meꞌe Haka Takeꞌa 14:3

Rā meꞌe he ŋāŋata era e hoꞌe hānere maha ꞌahuru mā maha taꞌutini haꞌataꞌa era e te ꞌAtua mai roto i te taŋata taꞌatoꞌa o te ao, haka eꞌa era mai roto i te ūtuꞌa o te hara. E hīmene ꞌana i te hīmene ꞌāpī, hīmene ko rāua mau nō i ꞌite, ꞌi muꞌa o te kona pepe noho ꞌariki era, o te meꞌe ora era e hā ꞌe o tū ŋāŋata ra-rahi era.

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 15:7

He vaꞌai ia ki rā ŋā merahi e te meꞌe ora era e tahi o roto o tū ŋā meꞌe ora era e hā o muꞌa o te ꞌAtua, e tahi e tahi poko-poko aŋa hai piru. Rā ŋā poko-poko ko ꞌī ꞌana e te riri o te ꞌAtua, ꞌAtua tōꞌona ora ꞌina he hopeꞌa raꞌa.

Meꞌe Haka Takeꞌa 16:14

Te ŋā tātane nei e ai rō ꞌā te rāua pūai mo aŋa i te mana ꞌe i te meꞌe mo māere o te taŋata. He eꞌa he oho ananake he haka taka-taka i te ꞌariki taꞌatoꞌa o te ao, mo moto ki te ꞌAtua, i a ia te pūai taꞌatoꞌa, ꞌi te mahana o te ture hopeꞌa.

Meꞌe Haka Takeꞌa 16:7

He ŋaroꞌa takoꞌa e au i te kī iŋa, mai te kona ⌊fata⌋ era: «ꞌĒ-ē, e te ꞌAtua hopeꞌa o te pūai, Pūꞌoko Haka Tere o mātou ē. Hai parautiꞌa ꞌe hai tī-tika a koe i haka ūtuꞌa ai i te taŋata».

Meꞌe Haka Takeꞌa 19:15

Mai roto i te haha o rā kope e eꞌa era te hoe roa-roa kaꞌi-kaꞌi e tahi, ꞌe hai rā hoe ka rē ena ki te taŋata o te henua taꞌatoꞌa. ꞌI tōꞌona haka tere iŋa e haka ūtuꞌa rō i te nuꞌu taꞌatoꞌa taꞌe haꞌatura ki a ia, ꞌe e haka takeꞌa rō i te riri taparahi-taꞌata o te ꞌAtua hopeꞌa o te pūai mo te nuꞌu taꞌe haŋa ki a ia, pa he rei-rei iŋa ena i te vino mo te ꞌava.

Meꞌe Haka Takeꞌa 19:4

He tū-turi ia te ŋāŋata ra-rahi era e piti ꞌahuru mā maha ꞌe te ŋā meꞌe ora era e hā ꞌātā ka topa rō te tira ki raro ꞌe he haꞌamuri ki te ꞌAtua ꞌi ruŋa i tōꞌona pepe ꞌariki. He kī: «¡He aŋi ꞌā to kōrua! ¡Ki haꞌahana-hana tahi tātou i te ꞌAtua!».

Meꞌe Haka Takeꞌa 21:22

ꞌIna kai takeꞌa e au ꞌi ira e tahi kona haꞌamuri ꞌAtua. ¿Mo aha atu ꞌā? ꞌI ira, paꞌi, e noho ena te ꞌAtua hopeꞌa o te pūai, ꞌe te Māmoe.

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki:

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 4:6

E ai takoꞌa rō ꞌana ꞌi muꞌa o rā pepe ꞌariki era te meꞌe tuꞌu pa he vaikava, māꞌeha pa he hiꞌo. ꞌI vāeŋa, kona ꞌi ira rā pepe, e haka vari rō ꞌā e te meꞌe ora e hā, te muꞌa ꞌe te tuꞌa o te hakari o rā ŋā meꞌe ko ꞌī ꞌā e te mata.

Meꞌe Haka Takeꞌa 4:9

ꞌI te hora taꞌatoꞌa haꞌahana-hana ꞌe māuru-uru e tū ŋā meꞌe ora era e hā ki te kope noho ꞌi ruŋa i tū pepe ꞌariki era o vāeŋa, kope i a ia te ora ꞌina he hopeꞌa raꞌa,

Meꞌe Haka Takeꞌa 5:6

ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.

Meꞌe Haka Takeꞌa 6:1

I oti era he takeꞌa e au i tū Māmoe era e kume ꞌā i te tāmaꞌu raꞌe o tū ŋā tāmaꞌu era e hitu. ꞌE he ŋaroꞌa e au e tahi o tū ŋā meꞌe ora era e hā e kī ꞌana hai reꞌo pūai tuꞌu pa he pātiri: «¡Ka oho mai!».

Meꞌe Haka Takeꞌa 6:6

ꞌE mai te vāeŋa o tū ŋā meꞌe ora era e hā i ŋaroꞌa ai e au i te reꞌo e kī ꞌana: «E tahi mau nō kiro tariko mo te moni aŋa o te mahana e tahi, ꞌe e toru kiro sevara mo tū moni ꞌā; ꞌe ꞌina ko tōtōā i te tumu ꞌōrivo ꞌe i te tumu vino».

Meꞌe Haka Takeꞌa 7:11

Te merahi taꞌatoꞌa e māroa rō ꞌā ꞌi te tapa o tū kona pepe noho ꞌariki era, ꞌe o tū ŋāŋata ra-rahi era ꞌe o tū ŋā meꞌe ora era e hā. He haꞌamuri rā ŋā merahi ki te ꞌAtua i noi ka topa rō te tira ki ruŋa i te ꞌōꞌone,

Meꞌe Haka Takeꞌa 7:15

»ꞌO ira a rāua e māroa ena ꞌi muꞌa o te pepe ꞌariki o te ꞌAtua ꞌi te ⌊Kona ꞌAta Moꞌa⌋, ꞌe ka pō ka ꞌōtea e tāvini ena ki a ia. ꞌE o te kope era ꞌi ruŋa i rā pepe te hokorua ꞌe te hāpaꞌo.