Meꞌe Haka Takeꞌa 4:5 - Rapa Nui

⁵ Mai te pepe ꞌariki o vāeŋa e eꞌa era te ꞌuira, te reꞌo ꞌe te pātiri. ꞌI muꞌa o rā pepe e hū rō ꞌā e hitu rama, he vārua e hitu o te ꞌAtua.

Meꞌe Haka Takeꞌa 4:5 ပူးပေါင်းရင်းမြစ်များ

Māteo 25:1

»Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa i te ŋoŋoro hāipo-ipo e tahi. E hoꞌe ꞌahuru uka he toꞌo i te rāua hakariꞌi ꞌe he eꞌa he oho mo hokorua i te kope era mo hāipo-ipo ki te kona era ꞌi ira te ŋoŋoro.

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Aŋa o te ꞌĀpōtoro 2:3

ꞌĪ ka uꞌi atu ena ko te meꞌe tuꞌu pa he ura ahi ka topa a ruŋa i te taꞌatoꞌa e tahi ka tahi o rāua.

Meꞌe Haka Takeꞌa 1:4

A au a Iovani he ꞌaroha atu ki te nūnaꞌa taŋata hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia. Ka ai ꞌi ruŋa i a kōrua te riva rahi ꞌe te haumārū o te ꞌAtua o te hora nei, o muꞌa ꞌā ꞌe ka tuꞌu mai ena, o te vārua hoko hitu o muꞌa i tōꞌona pepe noho ꞌariki,

Meꞌe Haka Takeꞌa 10:3

ꞌe he ohu pūai. Tōꞌona reꞌo pa he ŋū-ŋuru iŋa ena ꞌā o te reone. I ohu era he pāhono e te pātiri e hitu.

Meꞌe Haka Takeꞌa 11:19

He mātaki mai ia te kona mo haꞌamuri ki te ꞌAtua ꞌi te raŋi. E takeꞌa nō mai ꞌā ꞌi rā kona te ⌊ꞌavahata o te haka tere iŋa o te ꞌAtua ananake ko te taŋata⌋. He ꞌanapa te ꞌuira, he heruru te pātiri, he mākenu-kenu te ao ꞌe he topa te mata-matāika taparahi-taꞌata.

Meꞌe Haka Takeꞌa 3:1

»E pāpaꞌi takoꞌa ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Tare: “Pē nei te kī o te kope i a ia te vārua e hitu o te ꞌAtua ꞌe te ŋā hetuꞌu era e hitu: ‘E ꞌite tahi rō ꞌana a au i taꞌa meꞌe aŋa, ꞌe ko ꞌite takoꞌa ꞌana a au ko mate ꞌā a koe, ka ai atu e kī ena e te tētahi nuꞌu e ora rō ꞌā.

Meꞌe Haka Takeꞌa 5:6

ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.

Meꞌe Haka Takeꞌa 8:5

He toꞌo mai e tū merahi era i tū poko-poko era he haꞌaꞌī hai mara-mara ahi o te kona fata era. I oti era he ava a ruŋa i te henua, ꞌe ꞌi rā hora he heruru te pātiri, he ꞌanapa te ꞌuira, ꞌe he mākenu-kenu pūai te henua.