Meꞌe Haka Takeꞌa 4:4 - Rapa Nui

⁴ ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 4:4 ပူးပေါင်းရင်းမြစ်များ

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

Meꞌe Haka Takeꞌa 11:16

Te ŋā piti ꞌahuru mā maha ŋāŋata ra-rahi era, noho era ꞌi ruŋa i te rāua pepe noho ꞌariki ꞌi muꞌa o te ꞌAtua, he noi te tira ꞌātā ka topa rō ki ruŋa i te ꞌōꞌone he haꞌamuri ki te ꞌAtua

Meꞌe Haka Takeꞌa 14:3

Rā meꞌe he ŋāŋata era e hoꞌe hānere maha ꞌahuru mā maha taꞌutini haꞌataꞌa era e te ꞌAtua mai roto i te taŋata taꞌatoꞌa o te ao, haka eꞌa era mai roto i te ūtuꞌa o te hara. E hīmene ꞌana i te hīmene ꞌāpī, hīmene ko rāua mau nō i ꞌite, ꞌi muꞌa o te kona pepe noho ꞌariki era, o te meꞌe ora era e hā ꞌe o tū ŋāŋata ra-rahi era.

Meꞌe Haka Takeꞌa 19:14

ꞌI tuꞌa i a ia e oho atu era te vaꞌehau o te raŋi ꞌi ruŋa i te rāua hoi tea-tea e uru rō ꞌā i te kahu rino tea-tea hopeꞌa o te riva-riva ꞌe maꞌitaki.

Meꞌe Haka Takeꞌa 19:4

He tū-turi ia te ŋāŋata ra-rahi era e piti ꞌahuru mā maha ꞌe te ŋā meꞌe ora era e hā ꞌātā ka topa rō te tira ki raro ꞌe he haꞌamuri ki te ꞌAtua ꞌi ruŋa i tōꞌona pepe ꞌariki. He kī: «¡He aŋi ꞌā to kōrua! ¡Ki haꞌahana-hana tahi tātou i te ꞌAtua!».

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.

Meꞌe Haka Takeꞌa 4:10

he tū-turi te piti ꞌahuru mā maha ŋāŋata ra-rahi era ꞌi muꞌa o rā kope he haꞌamuri, ꞌai ka ava i te rāua hei a muꞌa i rā pepe koia ko kī:

Meꞌe Haka Takeꞌa 4:6

E ai takoꞌa rō ꞌana ꞌi muꞌa o rā pepe ꞌariki era te meꞌe tuꞌu pa he vaikava, māꞌeha pa he hiꞌo. ꞌI vāeŋa, kona ꞌi ira rā pepe, e haka vari rō ꞌā e te meꞌe ora e hā, te muꞌa ꞌe te tuꞌa o te hakari o rā ŋā meꞌe ko ꞌī ꞌā e te mata.

Meꞌe Haka Takeꞌa 5:11

E uꞌi nō ꞌana a au he ŋaroꞌa mai te reꞌo o te merahi ka miꞌi ka miꞌi haka vari i tū pepe ꞌariki era, i tū ŋā meꞌe ora era ꞌe i tū ŋāŋata ra-rahi era.

Meꞌe Haka Takeꞌa 5:14

He pāhono ia e tū ŋā meꞌe ora era e hā: «¡Ka ai pē ira!». ꞌE tū ŋā piti ꞌahuru mā maha ŋāŋata ra-rahi era he noi he tū-turi ꞌai ka haꞌamuri.

Meꞌe Haka Takeꞌa 5:6

ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.

Meꞌe Haka Takeꞌa 5:8

I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.

Meꞌe Haka Takeꞌa 6:11

He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.

Meꞌe Haka Takeꞌa 7:11

Te merahi taꞌatoꞌa e māroa rō ꞌā ꞌi te tapa o tū kona pepe noho ꞌariki era, ꞌe o tū ŋāŋata ra-rahi era ꞌe o tū ŋā meꞌe ora era e hā. He haꞌamuri rā ŋā merahi ki te ꞌAtua i noi ka topa rō te tira ki ruŋa i te ꞌōꞌone,

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.

Meꞌe Haka Takeꞌa 9:7

Te huru o rā ŋā meꞌe tuꞌu era pa he pereteꞌi pa he hoi ko haka riva-riva ꞌana mo oho ki te tamaꞌi. ꞌI te rāua pūꞌoko e puꞌa rō ꞌana i te meꞌe tuꞌu pa he hei aŋa hai piru, ꞌe te ꞌāriŋa pa he ꞌāriŋa taŋata ꞌana.