Meꞌe Haka Takeꞌa 4:11 - Rapa Nui

¹¹ «E te mātou Pūꞌoko Haka Tere ē, e te mātou ꞌAtua ē, mōꞌou te meꞌe he moꞌa, he haka nui-nui, ꞌe he haꞌahana-hana o te taŋata taꞌatoꞌa. ꞌĀꞌau, paꞌi, i aŋa i te meꞌe taꞌatoꞌa o te ao; hai haŋa ōꞌou e ai ena ꞌe i aŋa tahi ai».

Meꞌe Haka Takeꞌa 4:11 ပူးပေါင်းရင်းမြစ်များ

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

Meꞌe Haka Takeꞌa 10:6

ꞌe hai ꞌīŋoa o te kope era ꞌina he mate ki te hora hopeꞌa aŋa era i te raŋi, i te henua, i te vaikava, ꞌe i te meꞌe taꞌatoꞌa e ai ena, i hōrea ai pē nei ē: «ꞌIna he ꞌAtua e ko tiaki haka ꞌou.

Meꞌe Haka Takeꞌa 14:7

E kī pūai era: «E moꞌa kōrua i te ꞌAtua, e haꞌahana-hana kōrua i a ia ꞌo te ai ꞌī ko tuꞌu mai ꞌā te hora era mo ture ōꞌona i te taŋata. E haꞌamuri kōrua ki te kope ꞌāꞌana i aŋa i te raŋi, i te henua, i te vaikava ꞌe i te kona manana vai».

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

ꞌEvereo 1:10

E kī takoꞌa rō ꞌana ꞌi ruŋa i te Pāpaꞌi Moꞌa: «ꞌI te haꞌamata iŋa ꞌā, e te Pūꞌoko Haka Tere ē, i aŋa ai koe i te henua ꞌe ꞌāꞌau i aŋa takoꞌa i te raŋi.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

Aŋa o te ꞌĀpōtoro 14:15

«¿He aha rā kōrua e aŋa ena i te meꞌe tuꞌu pē nā? A māua he taŋata pē kōrua ꞌā. I oho mai nei a māua mo haka ꞌite atu i te roŋo riva-riva o te ꞌAtua, ki haka rē ai a kōrua i te haꞌamuri iŋa ki te meꞌe taꞌe he ꞌatua parautiꞌa, ꞌe ki huri ai te kōrua manaꞌu ki te ꞌAtua ora, aŋa i te raŋi, i te henua, i te vaikava, ꞌe i te meꞌe taꞌatoꞌa ai o te ao.

Aŋa o te ꞌĀpōtoro 17:24

»O te ꞌAtua era i aŋa i te ao ꞌe i te meꞌe taꞌatoꞌa e ai ena; a ia he Pūꞌoko Haka Tere o te raŋi ꞌe o te henua. ꞌIna he noho ꞌi roto i te hare pure aŋa e te taŋata.

Meꞌe Haka Takeꞌa 5:2

ꞌE he takeꞌa e au i te merahi pūai e tahi e ohu ꞌā: «¿Ko ai te kope tano mo kume i te tāmaꞌu o te taka nei ꞌe mo mātaki?».

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

Meꞌe Haka Takeꞌa 1:6

Ko haka riro ꞌana i a tātou he nūnaꞌa taŋata haka tere ꞌāꞌana, ꞌe he ⌊oromatuꞌa⌋ aŋa ki te ꞌAtua, he Matuꞌa ōꞌona. ¡Ka ai i a ia te haꞌahana-hana o te taꞌatoꞌa ꞌe te pūai mo haka tere i te ao taꞌatoꞌa ꞌātā ki te hopeꞌa raꞌa! ⌊ꞌĀmene⌋.

Meꞌe Haka Takeꞌa 19:1

I oho era he ŋaroꞌa e au i te reꞌo pūai o te nuꞌu riꞌa-riꞌa e kī ꞌā ꞌi te raŋi: «¡Ki haꞌahana-hana tahi tātou i te ꞌAtua! I a ia te eꞌa iŋa o tātou mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa. I a ia takoꞌa te nui-nui ꞌe te pūai taꞌatoꞌa.