Meꞌe Haka Takeꞌa 4:10 - Rapa Nui

¹⁰ he tū-turi te piti ꞌahuru mā maha ŋāŋata ra-rahi era ꞌi muꞌa o rā kope he haꞌamuri, ꞌai ka ava i te rāua hei a muꞌa i rā pepe koia ko kī:

Meꞌe Haka Takeꞌa 4:10 ပူးပေါင်းရင်းမြစ်များ

Meꞌe Haka Takeꞌa 5:8

I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.

Meꞌe Haka Takeꞌa 19:4

He tū-turi ia te ŋāŋata ra-rahi era e piti ꞌahuru mā maha ꞌe te ŋā meꞌe ora era e hā ꞌātā ka topa rō te tira ki raro ꞌe he haꞌamuri ki te ꞌAtua ꞌi ruŋa i tōꞌona pepe ꞌariki. He kī: «¡He aŋi ꞌā to kōrua! ¡Ki haꞌahana-hana tahi tātou i te ꞌAtua!».

Meꞌe Haka Takeꞌa 11:16

Te ŋā piti ꞌahuru mā maha ŋāŋata ra-rahi era, noho era ꞌi ruŋa i te rāua pepe noho ꞌariki ꞌi muꞌa o te ꞌAtua, he noi te tira ꞌātā ka topa rō ki ruŋa i te ꞌōꞌone he haꞌamuri ki te ꞌAtua

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 7:11

Te merahi taꞌatoꞌa e māroa rō ꞌā ꞌi te tapa o tū kona pepe noho ꞌariki era, ꞌe o tū ŋāŋata ra-rahi era ꞌe o tū ŋā meꞌe ora era e hā. He haꞌamuri rā ŋā merahi ki te ꞌAtua i noi ka topa rō te tira ki ruŋa i te ꞌōꞌone,

Meꞌe Haka Takeꞌa 5:14

He pāhono ia e tū ŋā meꞌe ora era e hā: «¡Ka ai pē ira!». ꞌE tū ŋā piti ꞌahuru mā maha ŋāŋata ra-rahi era he noi he tū-turi ꞌai ka haꞌamuri.

Meꞌe Haka Takeꞌa 15:4

¿Ko ai te meꞌe mo taꞌe moꞌa i a koe, e te mātou Pūꞌoko Haka Tere ē? ¿Ko ai te meꞌe mo taꞌe haꞌahana-hana atu? Ko koe mau nō te meꞌe hara kore. Taꞌatoꞌa nuꞌu o te ao ka haꞌamuri atu ena. Ko takeꞌa ꞌana, paꞌi, e te taꞌatoꞌa: taꞌa meꞌe aŋa meꞌe tī-tika».

Meꞌe Haka Takeꞌa 4:9

ꞌI te hora taꞌatoꞌa haꞌahana-hana ꞌe māuru-uru e tū ŋā meꞌe ora era e hā ki te kope noho ꞌi ruŋa i tū pepe ꞌariki era o vāeŋa, kope i a ia te ora ꞌina he hopeꞌa raꞌa,

Māteo 2:11

He uru ia ananake ki roto i te hare, he takeꞌa i te poki ararua ko tōꞌona matuꞌa vahine ko ⌊Māria⌋, ꞌe he tū-turi he haꞌamuri ki rā poki. He mātaki i te rāua ꞌavahata he vaꞌai i te piru, i te meꞌe mo tutu mo haka ꞌeo o te hare, ꞌe i te manoꞌi aŋa hai tāpau o te tumu te ꞌīŋoa he mirra.

Ruka 24:52

He haꞌamuri ia rā nuꞌu ki a Ietū. I oti era he hoki tahi ki Hērutarema ko koa atu ꞌana.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

Meꞌe Haka Takeꞌa 4:2

ꞌI rā hora mau ꞌā he haka moe vārua i a au e te ⌊Vārua Maitai⌋, ꞌe he takeꞌa e au i te pepe noho ꞌariki e tahi ꞌi ruŋa e noho rō ꞌā te kope e tahi.

Meꞌe Haka Takeꞌa 10:6

ꞌe hai ꞌīŋoa o te kope era ꞌina he mate ki te hora hopeꞌa aŋa era i te raŋi, i te henua, i te vaikava, ꞌe i te meꞌe taꞌatoꞌa e ai ena, i hōrea ai pē nei ē: «ꞌIna he ꞌAtua e ko tiaki haka ꞌou.

Meꞌe Haka Takeꞌa 15:7

He vaꞌai ia ki rā ŋā merahi e te meꞌe ora era e tahi o roto o tū ŋā meꞌe ora era e hā o muꞌa o te ꞌAtua, e tahi e tahi poko-poko aŋa hai piru. Rā ŋā poko-poko ko ꞌī ꞌana e te riri o te ꞌAtua, ꞌAtua tōꞌona ora ꞌina he hopeꞌa raꞌa.