Meꞌe Haka Takeꞌa 3:7 - Rapa Nui

⁷ »E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki:

Meꞌe Haka Takeꞌa 3:7 ပူးပေါင်းရင်းမြစ်များ

Māteo 16:19

He vaꞌai atu au i te tāviri o te ⌊haka tere iŋa ꞌāpī o te ꞌAtua⌋; te meꞌe mo taꞌe haꞌatiꞌa e koe ꞌi te ao nei, ko taꞌe haꞌatiꞌa takoꞌa ꞌā ꞌi te raŋi, ꞌe te meꞌe mo haꞌatiꞌa ꞌi te ao nei, ko haꞌatiꞌa takoꞌa ꞌā ꞌi te raŋi.

Māteo 24:35

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Marko 1:24

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Ruka 1:32

E riro rō a ia he taŋata hōnui; e kī rō he Poki o te ꞌAtua. ꞌE, pa he haka ꞌariki iŋa era o te ꞌAtua i tōꞌona tupuna i a Tāvita, ka haka ꞌariki takoꞌa ena i a ia.

Ruka 4:34

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Aŋa o te ꞌĀpōtoro 3:14

Kai haŋa a kōrua mo kī mo haka eꞌa i te taŋata aŋa i te meꞌe tī-tika ꞌe ꞌina he hara; he taŋata taparahi-taꞌata i haŋa e kōrua mo haka eꞌa.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 16:7

He ŋaroꞌa takoꞌa e au i te kī iŋa, mai te kona ⌊fata⌋ era: «ꞌĒ-ē, e te ꞌAtua hopeꞌa o te pūai, Pūꞌoko Haka Tere o mātou ē. Hai parautiꞌa ꞌe hai tī-tika a koe i haka ūtuꞌa ai i te taŋata».

Meꞌe Haka Takeꞌa 19:11

He uꞌi atu a au e ha-hata rō ꞌā te raŋi ꞌe he takeꞌa mai te hoi tea-tea e tahi. Te ꞌīŋoa o te kope o ruŋa: «He Kope Aŋa i Tāꞌana Meꞌe Kī» ꞌe «He Kope Parautiꞌa»; hai tī-tika, paꞌi, e haka tere ena i a ia ꞌi te hora kī i te tano ꞌe i te taꞌe tano o te taŋata ꞌe pē ira ꞌā ꞌi te hora o te tamaꞌi.

Meꞌe Haka Takeꞌa 19:2

A ia e ture ena hai tī-tika ꞌe hai parautiꞌa. Ko haka ūtuꞌa ꞌana i tū taiꞌo ꞌite era e te nuꞌu. Hai ia, paꞌi, te taŋata taꞌatoꞌa o te ao i aŋa ai i te meꞌe taꞌe tano. Ko haka ūtuꞌa ꞌana i a ia, ꞌo te tiŋaꞌi ꞌo te haka mate i te tāvini o te ꞌAtua».

Meꞌe Haka Takeꞌa 2:1

»E pāpaꞌi ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Ēfeto: “Pē nei te kī o te kope maꞌu ꞌi te rima mataꞌu i te hetuꞌu e hitu, haꞌere ꞌi vāeŋa o te hakariꞌi e hitu aŋa hai piru:

Meꞌe Haka Takeꞌa 21:5

He kī e te kope noho ꞌi ruŋa i te pepe noho ꞌariki era: «He aŋa ꞌāpī a au i te meꞌe taꞌatoꞌa». I oho era he kī mai: «Ka pāpaꞌi. Te vānaŋa nei he vānaŋa parautiꞌa, he vānaŋa ꞌina e ko taꞌe haka tano».

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa:

Meꞌe Haka Takeꞌa 4:8

Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

Meꞌe Haka Takeꞌa 6:10

Pē nei e kī pūai era: «E te Pūꞌoko Haka Tere moꞌa ꞌe parautiꞌa ē, ¿a hē koe ka haka ꞌauhau hai ūtuꞌa i te taŋata o te ao ꞌo te tiŋaꞌi i a mātou?».