Meꞌe Haka Takeꞌa 3:4 - Rapa Nui

⁴ ’Ka ai atu pē ira, nai nā e ai rō ꞌana te tētahi nuꞌu kai ꞌōꞌone te rāua kahu, te auraꞌa, ꞌina a rāua kai aŋa i te meꞌe taꞌe tano. Te nuꞌu ena ꞌi muri i a au ka haꞌere ena e uru rō ꞌana i te kahu tea-tea, he meꞌe tano mo rāua.

Meꞌe Haka Takeꞌa 3:4 ပူးပေါင်းရင်းမြစ်များ

Māteo 10:11

»E tuꞌu ꞌana kōrua ki te kona nūnaꞌa hare e tahi, e kimi hai kope riva haŋa mo toꞌo i a kōrua ki tōꞌona hare, ꞌe ꞌi rā hare kōrua ana noho ꞌātā ka oho rō mai ira.

Marko 16:5

I uru era ki roto i tū kona haka rē pāpaku era, he takeꞌa e noho rō ꞌā ꞌi te pāꞌiŋa mataꞌu e tahi taŋata ꞌāpī e uru rō ꞌā i te kahu tea-tea. He riꞌa-riꞌa rō atu ꞌai rā ŋā viꞌe.

Ruka 20:35

ꞌE te nuꞌu tano ki te ꞌAtua mo ora mai te mate ꞌe mo oꞌo ki te ao haka tere e ia e ko hāipo-ipo

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

2 Tētārōnika 1:5

Hai haꞌaoromaꞌi iŋa o kōrua i te meꞌe taꞌatoꞌa ena, e ꞌite nei a mātou: a kōrua ko haka moe mau ꞌana i te manaꞌu ꞌi ruŋa i a Ietū ꞌe he nuꞌu mau ꞌā ꞌāꞌana. ꞌE, ꞌi te ꞌite o tātou pē nei ē: te ꞌAtua, he ꞌAtua aŋa i te meꞌe tī-tika, e ꞌite takoꞌa nei: pe muꞌa ka oho ena, e aŋa takoꞌa rō te ꞌAtua i te ŋā meꞌe nei: e kī rō he nuꞌu tano kōrua mo noho, ꞌina he hopeꞌa raꞌa, ꞌi tōꞌona kona haka tere, ꞌo te haka moe i te manaꞌu ꞌi ruŋa i a Ietū,

Hura 1:23

ꞌE ki te tētahi e uꞌi e haka eꞌa mai roto i te ūtuꞌa o te pōꞌauahi. E haka ꞌaroha kōrua i te nuꞌu hara, ꞌe e uꞌi kōrua e te hara era o rāua pa he ꞌōꞌone haka pea-pea i te kahu, ꞌo pea-pea takoꞌa rō kōrua.

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».

Meꞌe Haka Takeꞌa 11:13

ꞌI rā hora mau ꞌana he mākenu-kenu tahi te henua ꞌe, ꞌi te mākenu-kenu, he mārere-rere te ꞌapa e tahi o te ꞌapa e hoꞌe ꞌahuru o rā kona, ꞌe he mā-mate e hitu taꞌutini taŋata. Te nuꞌu taꞌe mā-mate era he riꞌa-riꞌa rō atu ꞌai, he ⌊huri i te manaꞌu ki te ꞌAtua⌋ ꞌi te raŋi ꞌe he haꞌamata he haꞌahana-hana ki a ia.

Meꞌe Haka Takeꞌa 14:4

Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.

Meꞌe Haka Takeꞌa 19:14

ꞌI tuꞌa i a ia e oho atu era te vaꞌehau o te raŋi ꞌi ruŋa i te rāua hoi tea-tea e uru rō ꞌā i te kahu rino tea-tea hopeꞌa o te riva-riva ꞌe maꞌitaki.

Meꞌe Haka Takeꞌa 19:8

ko uru ꞌana hai kahu vaꞌai ki a ia, kahu aŋa hai rino hopeꞌa o te riva-riva, kahu maꞌitaki ꞌe pura-pura». Te haꞌaauraꞌa o te kahu nei: he meꞌe riva-riva aŋa e te nuꞌu haꞌataꞌa e te ꞌAtua māꞌana.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 6:11

He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.