Meꞌe Haka Takeꞌa 3:3 - Rapa Nui

³ Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.

Meꞌe Haka Takeꞌa 3:3 ပူးပေါင်းရင်းမြစ်များ

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Marko 13:33

»ꞌO ira, e veveri e ꞌara te mata; ꞌina, paꞌi, kōrua kai ꞌite a hē te meꞌe nei ka topa.

Marko 13:36

E uꞌi ꞌo tuꞌu rō atu he maꞌurima i a kōrua e hāꞌuru ꞌā.

1 Tētārōnika 5:2

Ko ꞌite riva-riva ꞌana, paꞌi, e kōrua: te hoki iŋa mai o te tātou Pūꞌoko Haka Tere ka tuꞌu mai ena pa he toke-toke ꞌi te hora kai manaꞌu hia.

1 Timoteo 6:20

E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

2 Timoteo 1:13

Ana hāpī koe, e uꞌi e haka tano ki te hāpī iŋa parautiꞌa haka ꞌite atu era e au koia ko te haka moe ko te oho i te manaꞌu ꞌi ruŋa i a Ietū, ꞌe ko te haŋa ko te oho ki te rua ꞌo te ai ōꞌou ꞌa Ietū Kiritō.

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

2 Pētero 1:13

ꞌĒ-ē, mai ora atu ꞌana a au, tāꞌaku meꞌe ka aŋa nei he haka manaꞌu he oho atu o ruŋa i te ŋā meꞌe hatu atu era e au.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 2:25

Tāꞌaku meꞌe haŋa nō: ka haka moe ka oho nō i te kōrua manaꞌu ꞌi ruŋa i a au ꞌātā ki tōꞌoku hoki iŋa mai.

Meꞌe Haka Takeꞌa 2:5

E manaꞌu koe pē hē te rahi o tuꞌu haŋa ꞌi rā hora, ꞌe ꞌai ka huri haka ꞌou rō tuꞌu manaꞌu. Te meꞌe aŋa era e koe ꞌi muꞌa ꞌā ka aŋa haka ꞌou, ꞌo oho rō atu a au he toꞌo i taꞌa hakariꞌi ena mai tōꞌona kona.

Meꞌe Haka Takeꞌa 22:7

He ŋaroꞌa ia e au i a Ietū e kī ꞌana: «¡E ko roa hia a au ka tuꞌu atu ena! ¡Ko te koa i te nuꞌu haꞌatura ki te roŋo o ruŋa i te meꞌe mo topa pe muꞌa ka oho ena hāꞌaki ꞌi ruŋa i te puka nei!».

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.

Meꞌe Haka Takeꞌa 3:2

Ka ꞌara ka haka pūai te meꞌe toe ena i a koe, he meꞌe ꞌina he roa toe he mate. Ko takeꞌa ꞌana e au: taꞌa meꞌe aŋa meꞌe taꞌe tano ki te mata o te ꞌAtua.