Meꞌe Haka Takeꞌa 3:11 - Rapa Nui

¹¹ E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 3:11 ပူးပေါင်းရင်းမြစ်များ

1 Kōrinto 9:25

Te nuꞌu ꞌāꞌati e hāpaꞌo rō ꞌana i a rāua mo te hora o te ꞌāꞌati. E aŋa ena pē ira mo rē i te hei, ꞌe rā hei e hopeꞌa era he mae-mae. ꞌE, a tātou e aŋa nei mo ravaꞌa i te meꞌe te hauhaꞌa e ko kore ki te hora hopeꞌa.

Fīripo 4:5

E ꞌite e te nuꞌu taꞌatoꞌa: nuꞌu riva kōrua. Te hoki iŋa mai, paꞌi, o Ietū ko hāhine ꞌana.

2 Timoteo 2:5

Pē ira takoꞌa ꞌā te kope ꞌāꞌati, ꞌina e ko haka hei mo taꞌe haꞌatura ki te haka tere iŋa era o rā ꞌāꞌati.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 5:9

E te taina, ꞌi roto i a kōrua e ꞌite mo haꞌaoromaꞌi, ꞌe ꞌina ko haꞌaꞌino ꞌo haka ūtuꞌa atu i a kōrua. Nā, paꞌi, ꞌi te ꞌōpani, te kope i a ia te parau mo ture ꞌe mo haka ūtuꞌa i te taŋata.

Meꞌe Haka Takeꞌa 1:3

Te ꞌAtua he haꞌamaitai i te kope nō era mo taiꞌo i te puka nei ki te taina ⌊haka moe i te manaꞌu⌋ ꞌi ruŋa i a Ietū, ꞌe he haꞌamaitai takoꞌa i te taina taꞌatoꞌa haka roŋo ꞌe haꞌatura ki te meꞌe hāꞌaki o ruŋa nei; nā, paꞌi, ko hāhine ꞌā te hora mo topa o rā ŋā meꞌe.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 2:25

Tāꞌaku meꞌe haŋa nō: ka haka moe ka oho nō i te kōrua manaꞌu ꞌi ruŋa i a au ꞌātā ki tōꞌoku hoki iŋa mai.

Meꞌe Haka Takeꞌa 22:12

He kī haka ꞌou ia e Ietū: «He aŋi ꞌā, e ko roa hia au ka tuꞌu atu ena. E maꞌu rō atu a au i te meꞌe mo vaꞌai mo haka koa o te nuꞌu, tano ki te rāua meꞌe i aŋa.

Meꞌe Haka Takeꞌa 22:20

Te kope haka ꞌite he parautiꞌa te ŋā meꞌe nei e kī rō ꞌā: «He aŋi ꞌā, e ko roa hia a au ka tuꞌu atu ena». ꞌE te kī ꞌāꞌaku: «¡Ka ai pē ira! ¡Ka oho mai koe, e Ietū ē, e te mātou Pūꞌoko Haka Tere ē!».

Meꞌe Haka Takeꞌa 22:7

He ŋaroꞌa ia e au i a Ietū e kī ꞌana: «¡E ko roa hia a au ka tuꞌu atu ena! ¡Ko te koa i te nuꞌu haꞌatura ki te roŋo o ruŋa i te meꞌe mo topa pe muꞌa ka oho ena hāꞌaki ꞌi ruŋa i te puka nei!».

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.

Meꞌe Haka Takeꞌa 4:10

he tū-turi te piti ꞌahuru mā maha ŋāŋata ra-rahi era ꞌi muꞌa o rā kope he haꞌamuri, ꞌai ka ava i te rāua hei a muꞌa i rā pepe koia ko kī:

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.