Meꞌe Haka Takeꞌa 3:10 - Rapa Nui10 ’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa. အခန်းကိုကြည့်ပါ။ |
Meꞌe Haka Takeꞌa 3:10
30 ပူးပေါင်းရင်းမြစ်များ
E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.
A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.
»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.
’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.
‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.
ကြော်ငြာတွေ