Meꞌe Haka Takeꞌa 22:6 - Rapa Nui

⁶ He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».

Meꞌe Haka Takeꞌa 22:6 ပူးပေါင်းရင်းမြစ်များ

Meꞌe Haka Takeꞌa 1:1

Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 21:5

He kī e te kope noho ꞌi ruŋa i te pepe noho ꞌariki era: «He aŋa ꞌāpī a au i te meꞌe taꞌatoꞌa». I oho era he kī mai: «Ka pāpaꞌi. Te vānaŋa nei he vānaŋa parautiꞌa, he vānaŋa ꞌina e ko taꞌe haka tano».

Meꞌe Haka Takeꞌa 19:9

He kī mai ia e te merahi: «Ka pāpaꞌi: “Ko te koa i te nuꞌu kī mo oho ki te kai o te hāipo-ipo o te Māmoe”». ꞌE he kī haka ꞌou mai: «Te vānaŋa nei he vānaŋa parautiꞌa o te ꞌAtua».

2 Pētero 1:21

Te perofeta, paꞌi, ꞌina kai vānaŋa hai manaꞌu taŋata; i vānaŋa ai hai manaꞌu o te ꞌAtua, ꞌe o te ⌊Vārua Maitai⌋ i haka vānaŋa.

Aŋa o te ꞌĀpōtoro 3:18

Pē ira te ꞌAtua i haka tano ai i te meꞌe kī ꞌi muꞌa ꞌā ki tāꞌana perofeta taꞌatoꞌa mo haka ꞌite: tāꞌana Kiritō e mate rō.

Ruka 1:70

mo haka tano tahi i tāꞌana meꞌe hōrea mai ꞌi muꞌa ꞌā, haka ꞌite mai e tāꞌana ŋā perofeta moꞌa era pē nei ē:

Meꞌe Haka Takeꞌa 18:20

¡Ka koa kōrua, e te meꞌe taꞌatoꞌa noho ꞌi te raŋi ē! ¡ꞌE ka koa kōrua, e te nuꞌu haꞌataꞌa e te ꞌAtua māꞌana ē, e te ⌊ꞌāpōtoro⌋ ē, ꞌe e te perofeta ē! Ko haka ūtuꞌa ꞌana, paꞌi, e te ꞌAtua i te kona era, ꞌo te meꞌe taꞌe tano aŋa atu ki a kōrua».

2 Pētero 3:2

E manaꞌu kōrua ki te meꞌe kī e te perofeta ꞌi muꞌa ꞌana ꞌe ki te meꞌe hāpī atu e te ⌊ꞌāpōtoro⌋ o ruŋa i te roŋo o te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 12:9

E ŋā poki nō ꞌana a tātou, te matuꞌa o tātou o te ao nei e ture e haka tī-tika rō mai ꞌana, ꞌe he moꞌa e tātou. ¿He aha ia a tātou ana taꞌe haka rē mo haka tere mai i a tātou e te tātou Matuꞌa o te raŋi, ki riro ai te tātou noho iŋa noho iŋa riva-riva, haꞌamaitai e ia?

Rōmano 1:2

haka ꞌite ꞌi muꞌa ꞌā ki tāꞌana perofeta mo pāpaꞌi ꞌi ruŋa i te ⌊Pāpaꞌi Moꞌa⌋.

Meꞌe Haka Takeꞌa 22:7

He ŋaroꞌa ia e au i a Ietū e kī ꞌana: «¡E ko roa hia a au ka tuꞌu atu ena! ¡Ko te koa i te nuꞌu haꞌatura ki te roŋo o ruŋa i te meꞌe mo topa pe muꞌa ka oho ena hāꞌaki ꞌi ruŋa i te puka nei!».

1 Kōrinto 14:32

Te kope vānaŋa i te meꞌe haka ꞌite e te ꞌAtua e ꞌite mo tiaki ki tōꞌona hora, ꞌo vānaŋa hoko rua ꞌi tū hora ꞌā.

Māteo 13:41

He uŋa e te Poki o te taŋata i tāꞌana merahi mo toꞌo mai roto o te haka tere iŋa ꞌāpī o te ꞌAtua i te nuꞌu haka hara i te rua ꞌe i te nuꞌu aŋa i te meꞌe taꞌe tano.

Ruka 16:16

»Hai roŋo o te ꞌAtua pāpaꞌi e ⌊Mōtē⌋ ꞌe e te perofeta te taŋata e haka tere era i a rāua ꞌātā ki te hora o Iovani Papatito. Mai rā hora e haka ꞌite e oho nei i te parau ꞌāpī riva-riva o ruŋa o te ⌊haka tere iŋa ꞌāpī o te ꞌAtua⌋, ꞌe nuꞌu rahi te nuꞌu haŋa mo oꞌo o rāua ki roto o rā haka tere iŋa ꞌe mo haka tere i a rāua e te ꞌAtua.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

1 Kōrinto 7:29

E te taina, tāꞌaku meꞌe haŋa mo kī atu: hora taꞌe rahi te hora toe o tātou mo aŋa ki te ꞌAtua. ꞌO ira, te nuꞌu hāipo-ipo e haka topa te hora mo aŋa ki te ꞌAtua, ka ai atu he nuꞌu hāipo-ipo a rāua.

Aŋa o te ꞌĀpōtoro 12:11

He aŋi-aŋi ia e Pētero ꞌe he kī ki a ia ꞌā: «¡ꞌĀ! Ko ꞌite ꞌana ꞌō a au ꞌi te hora nei ko uŋa mau mai ꞌā e te ꞌAtua i tāꞌana merahi mo haka eꞌa i a au mai te rima o ꞌErore ꞌe mai te meꞌe rake-rake taꞌatoꞌa haŋa e te nuꞌu hūrio ra-rahi mo aŋa mai ki a au».

Meꞌe Haka Takeꞌa 4:1

I oti era te meꞌe nei, he uꞌi atu au ko te ꞌōpani e tahi e ha-hata nō mai ꞌana ꞌi te raŋi. ꞌE te reꞌo ŋaroꞌa raꞌe era e au, tuꞌu era pa he koneta, he kī haka ꞌou mai: «Ka iri mai koe; ꞌī a au he haka takeꞌa atu i te meꞌe mo topa pe muꞌa ka oho ena».

Meꞌe Haka Takeꞌa 21:9

He oho mai ia e tahi o tū ŋā merahi maꞌu poko-poko era e hitu, poko-poko era o te ŋā ꞌati hopeꞌa era e hitu, ꞌe he kī mai: «Ka oho mai koe. ꞌĪ a au he haka takeꞌa atu i te viꞌe haꞌamoꞌa-moꞌa mo hāipo-ipo ki te Māmoe».

Meꞌe Haka Takeꞌa 22:1

He haka takeꞌa mai ia e tū merahi era i te rio maꞌitaki e tahi mai ira e eꞌa era te vai vaꞌai i te ora ꞌāpī ꞌina he hopeꞌa raꞌa. Rā vai pa he hiꞌo ꞌā te māꞌeha, ꞌe mai te kona pepe noho ꞌariki o te ꞌAtua ꞌe o te Māmoe e eꞌa era.

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».