Meꞌe Haka Takeꞌa 22:4 - Rapa Nui

⁴ He takeꞌa e te nuꞌu nei i te ꞌāriŋa o te ꞌAtua, ꞌe ꞌi ruŋa i te rāua tira ka maꞌu era i tōꞌona ꞌīŋoa.

Meꞌe Haka Takeꞌa 22:4 ပူးပေါင်းရင်းမြစ်များ

Māteo 5:8

Ko te koa i te nuꞌu māhatu maꞌitaki; e takeꞌa rō e rāua i te ꞌAtua.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

1 Kōrinto 13:12

Te meꞌe ꞌite o tātou ꞌi te hora nei o ruŋa i te ꞌAtua pa he meꞌe ꞌehu-ꞌehu e tahi ꞌi roto i te hiꞌo; ꞌe, ka tano ena te mahana, he takeꞌa riva-riva mai. Hora nei e ai rō ꞌā te meꞌe taꞌe aŋi-aŋi e au o ruŋa i a ia; ꞌe, e tano rō te mahana, he māhani a au i a ia, pa he māhani iŋa mai ōꞌona i a au.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

Meꞌe Haka Takeꞌa 14:1

He takeꞌa ia e au i te Māmoe e māroa rō ꞌana ꞌi ruŋa i te maꞌuŋa era ko ⌊Tione⌋. ꞌI muri i a ia e hoꞌe hānere maha ꞌahuru mā maha taꞌutini taŋata ꞌi te rāua tira e pāpaꞌi rō ꞌā te ꞌīŋoa o te Māmoe ꞌe o tōꞌona Matuꞌa.

Meꞌe Haka Takeꞌa 3:12

’Te nuꞌu rē ki te pūai o Rukifero, he haka riro e au pa he pou hio-hio ꞌi te kona haꞌamuri ꞌAtua ꞌi te raŋi, te auraꞌa: he noho mau rō ꞌai a rāua ꞌi muri i a ia. ꞌE ꞌi ruŋa ka pāpaꞌi ena e au i te ꞌīŋoa o tōꞌoku ꞌAtua ꞌe o tōꞌona kona noho, he Hērutarema ꞌāpī topa mai te raŋi, ꞌe he pāpaꞌi takoꞌa e au ꞌi ruŋa i te ꞌīŋoa ꞌāpī ōꞌoku.

Meꞌe Haka Takeꞌa 7:3

«¡Ē, ꞌina kōrua ko tōtōā i te henua, i te vaikava ꞌe i te tumu ꞌātā ka tāpaꞌo tahi rō e mātou a te tira i te tāvini o te tātou ꞌAtua!».