Meꞌe Haka Takeꞌa 22:3 - Rapa Nui

³ ꞌIna e tahi meꞌe taꞌe tano ki te mata o te ꞌAtua mo oꞌo ki te ao ꞌāpī nei. Te pepe noho ꞌariki o te ꞌAtua ꞌe o te Māmoe ꞌi Hērutarema ꞌāpī nei e noho ena, ꞌe te rāua tāvini ki a rāua e haꞌamuri ena.

Meꞌe Haka Takeꞌa 22:3 ပူးပေါင်းရင်းမြစ်များ

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 13:32

ꞌE mo ai hai Poki o te taŋata e haka takeꞌa ena i te pūai ꞌe i te nui-nui o te ꞌAtua, pē ira takoꞌa ꞌana e haka takeꞌa ena e te ꞌAtua i te pūai ꞌe i te nui-nui o te Poki. Te meꞌe nei ka topa ena e ko roa hia.

Iovani 14:3

Ki oho au ki haka riva-riva, he hoki mai a au he toꞌo i a kōrua mo noho tahi o tātou ꞌi te kona era ꞌi ira a au.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Meꞌe Haka Takeꞌa 7:10

Taꞌatoꞌa e ohu pūai era: «¡A tātou i eꞌa nei mai roto i te ūtuꞌa o te hara ꞌe i ravaꞌa nei i te ora ꞌāpī ꞌina he hopeꞌa raꞌa hai ꞌAtua nei o tātou e noho mai nei ꞌi ruŋa i te pepe ꞌariki ꞌe hai Māmoe!».

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.