Meꞌe Haka Takeꞌa 21:3 - Rapa Nui

³ ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.

Meꞌe Haka Takeꞌa 21:3 ပူးပေါင်းရင်းမြစ်များ

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

2 Kōrinto 6:16

ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

1 Tētārōnika 3:11

E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 8:10

Te haka tere iŋa ꞌāpī ka aŋa ena e au ananake ko te itaraera ꞌi rā mahana, ko te meꞌe nei: He ha-haꞌo e au i tāꞌaku roŋo ꞌi roto i te rāua manaꞌu, ꞌe he pāpaꞌi ꞌi roto i te rāua māhatu. He riro a au he ꞌAtua o rāua, ꞌe a rāua he taŋata ꞌāꞌaku.

ꞌEvereo 8:2

ꞌI ira a ia e aŋa ena i tāꞌana aŋa he oromatuꞌa ꞌi muꞌa o te ꞌAtua, he ⌊Kona Moꞌa⌋ parautiꞌa aŋa e te ꞌAtua mo haꞌamuri ki a ia, taꞌe ꞌō ꞌi te Kona Moꞌa aŋa e te taŋata.

Meꞌe Haka Takeꞌa 10:4

I oti era te pātiri i te vānaŋa, he oho a au mo pāpaꞌi i te rāua meꞌe kī era, ꞌe mai te raŋi te reꞌo e tahi i kī mai ai: «ꞌIna koe ko pāpaꞌi te vānaŋa era; e hāpaꞌo, ꞌina ko haka ꞌite».

Meꞌe Haka Takeꞌa 10:8

Te reꞌo ŋaroꞌa era e au vānaŋa mai era mai te raŋi he kī haka ꞌou mai: «Ka oho ka toꞌo te taka parau ꞌiti-ꞌiti era e ha-hata rō ꞌā ꞌi te rima o te merahi māroa era ꞌi ruŋa i te henua ꞌe ꞌi ruŋa i te vaikava».

Meꞌe Haka Takeꞌa 12:10

He ŋaroꞌa ia e au i te reꞌo pūai e tahi ꞌi ruŋa i te raŋi e kī era: «Ko tano ꞌā te hora era o te rē o te ꞌAtua, hora haka takeꞌa i tōꞌona pūai ꞌAriki, ꞌe hora mo haka tere e te ⌊Kiritō⌋ uŋa e ia. Ko tute ꞌana, paꞌi, i te kope rava tuhi era ꞌi muꞌa o te ꞌAtua, ka pō ka ꞌōtea, i te hape o te taina haka moe i te manaꞌu ꞌi ruŋa i a Ietū.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.

Meꞌe Haka Takeꞌa 22:3

ꞌIna e tahi meꞌe taꞌe tano ki te mata o te ꞌAtua mo oꞌo ki te ao ꞌāpī nei. Te pepe noho ꞌariki o te ꞌAtua ꞌe o te Māmoe ꞌi Hērutarema ꞌāpī nei e noho ena, ꞌe te rāua tāvini ki a rāua e haꞌamuri ena.

Meꞌe Haka Takeꞌa 7:15

»ꞌO ira a rāua e māroa ena ꞌi muꞌa o te pepe ꞌariki o te ꞌAtua ꞌi te ⌊Kona ꞌAta Moꞌa⌋, ꞌe ka pō ka ꞌōtea e tāvini ena ki a ia. ꞌE o te kope era ꞌi ruŋa i rā pepe te hokorua ꞌe te hāpaꞌo.