Meꞌe Haka Takeꞌa 20:2 - Rapa Nui

² He ꞌa-ꞌaru ia e rā merahi i te manuꞌino nui-nui mea-mea era, he kōreha o te noho iŋa tuai era ꞌā, he tātane era ko Rukifero, he here-here hai vivi e hoꞌe taꞌutini matahiti.

Meꞌe Haka Takeꞌa 20:2 ပူးပေါင်းရင်းမြစ်များ

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

Rōmano 16:20

Pē ira e ko roa he toꞌo mai e te ꞌAtua, vaꞌai i te haumārū, he haka hēpiꞌi i a Rukifero ꞌi raro i te kōrua vaꞌe. Ka ai ꞌi ruŋa i a kōrua te riva rahi o Ietū, he Pūꞌoko Haka Tere o tātou.

Iovani 16:11

ꞌe te kope ꞌi ruŋa i a ia ka topa ena te ture o te ꞌAtua: ko te kope ena ꞌāꞌana te ao te haka tere, te auraꞌa, ko Rukifero, he kope ko ai era ꞌā tōꞌona ūtuꞌa.

Meꞌe Haka Takeꞌa 13:2

Te manuꞌino taparahi-taꞌata nei pa he manu ena ꞌā he leopardo. Te vaꞌe pa he vaꞌe ꞌā o te oso ꞌe te haha pa he haha ꞌā o te reone. He vaꞌai ki te manuꞌino nei e tū manuꞌino nui-nui mea-mea era i te pūai ꞌe i tōꞌona tōroꞌa ꞌariki era mo haka tere o rā manuꞌino pa he ꞌariki.

Meꞌe Haka Takeꞌa 12:17

He ꞌata riri rō atu ꞌai tū manuꞌino era mo rā viꞌe. He eꞌa he oho he moto ki te hakaara haka ꞌou o rā viꞌe, he nuꞌu haꞌatura ki te roŋo o te ꞌAtua ꞌe ki te parautiꞌa haka ꞌite e Ietū.

Meꞌe Haka Takeꞌa 12:15

He haka rua ia e tū manuꞌino era i te vai mai roto i tōꞌona haha, mo to-toi i rā viꞌe.

Meꞌe Haka Takeꞌa 12:13

I uꞌi era e tū manuꞌino era ko ava mai ꞌana i a ia ki ruŋa i te henua, he tute he oho i tū viꞌe poreko era o te poki.

Marko 5:7

ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Meꞌe Haka Takeꞌa 13:4

He haꞌamuri tahi ananake ki tū manuꞌino nui-nui mea-mea era ꞌo te vaꞌai ki te manuꞌino taparahi-taꞌata eꞌa era mai roto i te vaikava i te parau mo haka tere, ꞌe he haꞌamuri takoꞌa ki rā manuꞌino koia ko kī e rā nuꞌu: «ꞌIna he rua kope pa he manuꞌino nei, ꞌe ꞌina he kope mo rē ki a ia».

Meꞌe Haka Takeꞌa 9:11

Te ꞌariki o rā ŋā manuꞌino he merahi mātaki era i tū kona pū era ꞌina he hopeꞌa o te raro nui. Te ꞌīŋoa o te merahi nei ꞌi te ⌊ꞌevereo⌋ ko Āvārone ꞌe ꞌi te ⌊kirieko⌋ ko ꞌĀporione. Te haꞌaauraꞌa o te ŋā ꞌīŋoa nei: «he kope taparahi-taꞌata ꞌi te meꞌe taꞌatoꞌa».

Māteo 19:29

ꞌE te nuꞌu taꞌatoꞌa haka rē hai au i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te rāua ŋā poki, ꞌe i te rāua henua, he vaꞌai e te ꞌAtua e tahi hānere haka ꞌou o te meꞌe, ꞌe i te ora ꞌāpī ꞌina he hopeꞌa raꞌa.

Marko 4:15

E ai rō ꞌana te nuꞌu pa he kona ara era a ira i vī-viri ai te karu: e haka roŋo rō ꞌana i te vānaŋa o te ꞌAtua, ꞌe, ka ai atu pē ira, e tuꞌu nō e Rukifero he toꞌo i rā vānaŋa mai roto i te māhatu.

Meꞌe Haka Takeꞌa 12:3

I oti era he takeꞌa haka ꞌou e au i te meꞌe nui-nui e tahi ꞌi te raŋi: he manuꞌino nui-nui mea-mea e tahi. E hitu ōꞌona pūꞌoko, e hoꞌe ꞌahuru tara. ꞌE ꞌi ruŋa i rā ŋā pūꞌoko e huki rō ꞌā e tahi e tahi hei.

Meꞌe Haka Takeꞌa 12:4

Hai hiku i to-toi ai i te ꞌapa e tahi o te ꞌapa e toru o te hetuꞌu o te raŋi ꞌe he ava ki ruŋa i te henua. He noho ia rā manuꞌino ꞌi muꞌa o tū viꞌe era e aꞌu ꞌā i te poki, mo kai i rā poki ꞌi te hora era ka poreko era.

Meꞌe Haka Takeꞌa 20:7

Ki oti rā hoꞌe taꞌutini matahiti era, he haka eꞌa i a Rukifero mai tū kona puru era,

Meꞌe Haka Takeꞌa 20:10

ꞌE a Rukifero, reo-reo era ki rā nuꞌu, ko hoa ꞌā ki roto i te kona ahi era, kona ꞌi ira e ura ena te azufre, kona ki ira takoꞌa i hoa ai i tū manuꞌino era ꞌe i tū perofeta reo-reo era. ꞌI ira ka oꞌo era te māui-ui ki roto i te ivi ka pō ka ꞌōtea ꞌātā ki te hopeꞌa raꞌa.