Meꞌe Haka Takeꞌa 2:9 - Rapa Nui

⁹ ‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.

Meꞌe Haka Takeꞌa 2:9 ပူးပေါင်းရင်းမြစ်များ

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Ruka 12:21

»Pē ira e topa ena ki te taŋata haꞌaputu mōꞌona mau nō i te hauhaꞌa ꞌe ꞌina he manaꞌu ki te meꞌe haŋa o te ꞌAtua».

Ruka 22:65

He vā-vā koia ko kī i te tētahi huru o te vānaŋa taꞌe tano.

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Aŋa o te ꞌĀpōtoro 26:11

Paurō te mahana e tōtōā era e au i rā nuꞌu mo taꞌe haka moe haka ꞌou i te manaꞌu ꞌi ruŋa i a Ietū. Te ŋā meꞌe nei i aŋa ai e au ꞌi roto i te ⌊hare pure hūrio⌋. ꞌE, ꞌi te rahi o tōꞌoku riri mo rāua, e kimi e oho era e au ꞌātā ki te tētahi henua.

Rōmano 12:12

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Rōmano 2:17

A koe, pa he hūrio, e kī ena e haka moe rō ꞌana koe i tuꞌu manaꞌu ꞌi ruŋa i te haka tere iŋa ꞌa Mōtē. E haka paka ena koe ꞌo te ai he nuꞌu haꞌataꞌa e te ꞌAtua māꞌana,

Rōmano 5:3

ꞌE taꞌe nō ꞌo ira a tātou e koa nei, ꞌo te ꞌamo takoꞌa i te ꞌati; ꞌi te ꞌamo iŋa, paꞌi, i te ꞌati e ꞌite nei a tātou i te haꞌaoromaꞌi hai pūai.

Rōmano 8:35

I ai era pē ira, ¿he aha te meꞌe mo haka kore i te haŋa o Ietū Kiritō mai ruŋa i a tātou? ¿He mamae? ¿He ꞌati? ¿He tōtōā e te nuꞌu? ¿He maruaki? ¿He oŋe o te kahu? ¿He topa o te meꞌe rake-rake ꞌo he mate ꞌi te rima o te rua?

Rōmano 9:6

Ka ai atu meꞌe rahi nō atu nuꞌu ⌊hūrio⌋ i taꞌe haŋa ki te Kiritō, e ko tano a tātou mo kī ꞌina kai haka tano te ꞌAtua i te hōrea kī era ki a rāua. Tāꞌaku kī: taꞌe taꞌatoꞌa hakaara o Itaraera, te auraꞌa, o Hākovo, he itaraera parautiꞌa.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.

2 Kōrinto 8:2

Ka ai atu i topa rō te ꞌati taparahi-taꞌata ki te nuꞌu nei, ko te koa iŋa ꞌana, ꞌe, ka ai atu he nuꞌu veve, ꞌi te rāua riva, pa he ꞌono e vaꞌai era i te moni.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

1 Tētārōnika 3:4

Hora era, paꞌi, o mātou ꞌi muri i a kōrua ꞌā, i haka ꞌite rō atu mātou pē nei ē: e topa rō mai te ꞌati ꞌi ruŋa i a tātou ꞌe, ko ꞌite riva-riva ꞌana e kōrua, pē ira mau ꞌā i topa ai.

1 Timoteo 1:13

ka ai atu ꞌi muꞌa ꞌā e kī rō ꞌana e au i te vānaŋa taꞌe tano mōꞌona, e tute rō ꞌana a au mo tōtōā i tāꞌana nuꞌu, ꞌe e vā-vā takoꞌa rō ꞌana i a rāua. ꞌE te ꞌAtua i haka ꞌaroha nō i a au ꞌo te ai ꞌi rā hora kai haka moe ꞌana a au i te manaꞌu ꞌi ruŋa i a Ietū, ꞌe kai ꞌite ꞌana a au he aha tāꞌaku meꞌe e aŋa era.

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Meꞌe Haka Takeꞌa 2:24

’ꞌE a kōrua, te tētahi nuꞌu haka moe i te manaꞌu ꞌi ruŋa i a au o Tiatira taꞌe maꞌu i te hāpī o te viꞌe ena, hāpī kī e te tētahi he hāpī hōhonu, ꞌe te parautiꞌa mau he hāpī ꞌa Rukifero, he kī atu a au: ꞌina a au e ko haka ꞌamo i a kōrua hai meꞌe haka ꞌou mo haꞌatura.

Meꞌe Haka Takeꞌa 3:9

ꞌE, te nuꞌu ꞌa Rukifero kī atu: he ⌊hūrio⌋ a rāua ꞌe taꞌe mau pē ira, he haka tū-turi atu e au ꞌi muꞌa i a koe, ki ꞌite ai pē nei ē: e haŋa rō atu ꞌana a au ki a koe.

Meꞌe Haka Takeꞌa 7:14

—E koro, ko koe i ꞌite —i pāhono ai e au. He kī mai ia: —Te nuꞌu era he nuꞌu eꞌa mai roto i te ꞌati taparahi-taꞌata o te paꞌo iŋa o te ao, ko te nuꞌu haka maꞌitaki era ꞌe haka rito-rito era i te rāua kahu hai toto o te Māmoe.