Meꞌe Haka Takeꞌa 2:5 - Rapa Nui

⁵ E manaꞌu koe pē hē te rahi o tuꞌu haŋa ꞌi rā hora, ꞌe ꞌai ka huri haka ꞌou rō tuꞌu manaꞌu. Te meꞌe aŋa era e koe ꞌi muꞌa ꞌā ka aŋa haka ꞌou, ꞌo oho rō atu a au he toꞌo i taꞌa hakariꞌi ena mai tōꞌona kona.

Meꞌe Haka Takeꞌa 2:5 ပူးပေါင်းရင်းမြစ်များ

Māteo 5:14

»A kōrua he mōrī mo te ao nei. Te nūnaꞌa hare ꞌi ruŋa i te maꞌuŋa e ko taꞌe takeꞌa e te taŋata.

Māteo 5:15

ꞌIna he nuꞌu haka pura i te hakariꞌi mo haka rē ꞌi raro i te ꞌavahata; e haka rē ena ꞌi te kona ruŋa nui mo haka māꞌeha i te nuꞌu taꞌatoꞌa o roto i te hare.

Marko 12:9

»Iā. Ki te kōrua manaꞌu, ¿he aha te meꞌe ka aŋa era ki rā nuꞌu e te taŋata era ōꞌona rā henua? ꞌĪ a au he kī atu: he tiŋaꞌi i rā nuꞌu he haka mate, ꞌe he vaꞌai i rā henua ki te tētahi nuꞌu mo hāpaꞌo.

Ruka 1:17

E oho rō ꞌi muꞌa i te ⌊Kiritō⌋ hai haŋu ꞌe hai pūai tuꞌu pa he haŋu ꞌe pa he pūai o te perofeta era ko ꞌĒria, mo haka hoki o te haŋa o te matuꞌa ki tāꞌana poki ꞌe o te poki ki tōꞌona matuꞌa, ꞌe mo ꞌite o te nuꞌu taꞌe haka roŋo mo haꞌatura. Pē ira ka haka riva-riva ena i te taŋata mo te tuꞌu iŋa mai o te Kiritō.

Ruka 20:16

He oho he tiŋaꞌi i rā nuꞌu he haka mate ꞌe he vaꞌai i rā henua ki te tētahi nuꞌu mo hāpaꞌo. I ŋaroꞌa era e te nuꞌu i rā vānaŋa he kī: —¡Pē hiva ꞌā ana taꞌe topa te meꞌe tuꞌu pē nā!

Karatia 5:4

A kōrua, te nuꞌu haŋa mo tano ki te mata o te ꞌAtua hai haꞌatura ki rā haka tere iŋa, ko haka tapa ꞌana mai muri i a Ietū, ꞌe ko hārui ꞌana hai tuaꞌivi i te riva rahi o te ꞌAtua.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

ꞌEvereo 10:32

ꞌO ira, e manaꞌu kōrua ki te hora raꞌe māhani era ki a Ietū Kiritō. I ꞌamo i oho nō kōrua hai pūai i te ꞌati nui-nui e topa atu era.

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 16:9

He vera tahi rō ꞌai te taŋata ꞌi te vera taparahi-taꞌata. ꞌE, ka ai atu pē ira, ꞌina kai hārui te manaꞌu ki te ꞌAtua ꞌe ꞌina kai haꞌahana-hana. Te meꞌe i aŋa he kī i te meꞌe taꞌe tano mo te ꞌAtua, kope ꞌāꞌana te haka tere i rā ŋā ꞌati.

Meꞌe Haka Takeꞌa 2:16

ꞌO ira, ka huri haka ꞌou te manaꞌu ki te ꞌAtua. Mo taꞌe aŋa pē ira, e ko roa a au ka oho atu ena ki a koe ꞌe, hai hoe eꞌa mai roto i tōꞌoku haha, te auraꞌa, hai vānaŋa ꞌāꞌaku, ka haka ūtuꞌa ena i a rāua.

Meꞌe Haka Takeꞌa 2:19

‘E ꞌite tahi rō ꞌana a au i taꞌa meꞌe aŋa. E ꞌite rō ꞌana a au i tuꞌu haŋa, i tuꞌu haka moe iŋa i te manaꞌu ꞌi ruŋa i a au, i te aŋa e aŋa mai ena ꞌe i te haꞌaoromaꞌi ōꞌou i te ꞌati hai haumārū. E ꞌite takoꞌa rō ꞌana a au ꞌata hau rō atu tuꞌu aŋa ꞌi te hora nei ki te hora era o muꞌa ꞌā.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.