Meꞌe Haka Takeꞌa 2:3 - Rapa Nui

³ I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.

Meꞌe Haka Takeꞌa 2:3 ပူးပေါင်းရင်းမြစ်များ

Marko 15:21

E maꞌu e oho nō ꞌā i a Ietū a te ara he piri te taŋata e tahi o te kona ko Tīrene te ꞌīŋoa ko Tīmona, matuꞌa tane o Arehantaro ararua ko Rufo, e hoki ꞌā mai ꞌuta. He toꞌo mai e te vaꞌehau he haka ꞌamo i te tātaurō ꞌamo e Ietū.

Ruka 14:27

ꞌE te kope taꞌe haŋa mo ꞌamo i tōꞌona tātaurō, te auraꞌa, mo vaꞌai i a ia ki te mate mo aŋa i tāꞌaku meꞌe haŋa ꞌe mo oho mai ꞌi muri i a au, e ko tano takoꞌa mo taŋata hāpī ꞌāꞌaku.

Ruka 18:1

Hai ꞌaꞌamu haꞌaauraꞌa i hāpī ai e Ietū ki te nuꞌu mo pure mo oho ki te ꞌAtua ꞌe mo taꞌe haka hōriŋa.

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 5:5

He pāhono e Tīmona: —E te Maꞌori, i aŋa nō mai a mātou i te aŋa ena ꞌi ꞌaŋapō ka ꞌōtea rō ꞌe ꞌina e tahi ika i ravaꞌa mai. ꞌE, ꞌo te ai nō ꞌāꞌau i kī mai, ka haka topa haka ꞌou nei a mātou i te kūpeŋa.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Rōmano 12:12

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 8:25

I ai ena e tiaki ꞌana a tātou ki te meꞌe ꞌina kai topa mai ꞌā, ki tiaki ki oho nō ia tātou koia ko haꞌaoromaꞌi hai pūai.

1 Kōrinto 13:7

Te kope haka tere i a ia hai haŋa e ꞌite rō ꞌā mo ꞌamo i te ꞌati, e haka moe e oho rō ꞌā i te manaꞌu ꞌi ruŋa i a Ietū, ꞌina he haka tapa i tōꞌona manaꞌu mai ruŋa i te ꞌAtua ki te hora hopeꞌa ꞌe e ꞌite rō ꞌā mo haꞌaoromaꞌi i te meꞌe taꞌe tano aŋa e te rua ki a ia.

1 Kōrinto 16:16

He ani atu a au mo haka rē i a kōrua mo te nuꞌu era ꞌe mo te nuꞌu tuꞌu pē rāua hāꞌūꞌū ꞌi te aŋa o te ꞌAtua e haka tere atu.

2 Kōrinto 10:15

ꞌE ꞌina takoꞌa a mātou he teꞌo-teꞌo ꞌi te aŋa o te rua, ꞌo eꞌa a mātou mai rā roa. Te mātou meꞌe haŋa he pūai he oho te kōrua haka moe iŋa i te manaꞌu ꞌi ruŋa i a Ietū, mo ꞌata rahi mo oho te mātou aŋa ꞌi roto i a kōrua.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 4:1

Te ꞌAtua i vaꞌai mai ai i te aŋa nei, he riva rahi ōꞌona. ꞌO ira a mātou e taꞌe hōriŋa nei.

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

2 Kōrinto 5:9

ꞌO ira, te meꞌe haŋa o mātou he aŋa i te meꞌe haŋa e te ꞌAtua, ka ai atu ꞌi te ao nei ꞌo taꞌe ꞌi te ao nei.

2 Kōrinto 6:5

i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.

Karatia 6:2

E hāꞌūꞌū takoꞌa kōrua i te rua mo ꞌamo i tōꞌona ꞌati; pē ira he haka tano kōrua i te meꞌe kī mai e te ⌊Kiritō⌋ mo aŋa.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Kōrosa 1:11

ꞌI roto i te mātou pure e no-noꞌi rō ꞌana a mātou ki te ꞌAtua mo haka haŋu atu i a kōrua hai pūai nui-nui ōꞌona. Pē ira he ꞌite kōrua mo ꞌamo hai pūai, hai haumārū ꞌe hai koa i te ꞌati taꞌatoꞌa nō era mo topa atu ꞌi ruŋa i a kōrua

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Tētārōnika 5:12

E te taina, he ani atu mātou: e moꞌa kōrua i te nuꞌu taꞌatoꞌa aŋa ꞌi roto i a kōrua, he nuꞌu hatu atu ꞌe he nuꞌu haka tika atu ꞌi te meꞌe o te ꞌAtua.

2 Tētārōnika 3:13

ꞌE a kōrua, e te taina ē, ꞌina ko haꞌumani ꞌi te aŋa iŋa i te meꞌe riva-riva.

2 Tētārōnika 3:5

ꞌE mo te tātou Pūꞌoko Haka Tere ko Ietū e hāꞌūꞌū atu mo aŋi-aŋi i te rahi o te haŋa o te ꞌAtua ki a kōrua ꞌe mo ꞌite o kōrua mo haꞌaoromaꞌi hai pūai ꞌi te hora o te ꞌati, pa he oho iŋa era ōꞌona.

2 Tētārōnika 3:8

ꞌe ꞌina mātou kai kai i te haraoa i taꞌe ꞌauhau e mātou. Te meꞌe nō, ka pō ka ꞌōtea e aŋa era mo ravaꞌa moni, ꞌo ai mātou he meꞌe paŋahaꞌa e tahi mo ꞌamo e kōrua,

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

1 Timoteo 5:17

Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

ꞌEvereo 10:36

E ꞌite i te haꞌaoromaꞌi i te ꞌati hai pūai mo aŋa i te meꞌe haŋa o te ꞌAtua; pē ira takoꞌa i a kōrua pe muꞌa ka oho ena te meꞌe hōrea mai era e ia.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 13:13

ꞌO ira, e te taina ē, ki eꞌa tātou ki haho ki a Ietū ki ꞌamo takoꞌa i te haꞌamā ꞌamo e ia, te auraꞌa: ꞌina tātou ko maꞌu haka ꞌou i te meꞌe o te haka tere iŋa raꞌe era o te ꞌAtua ananake ko te taŋata. Ki haka moe ki oho nō tātou i te manaꞌu ꞌi ruŋa i a Ietū, nōatu te nuꞌu taꞌe haka au mai i a tātou ꞌo te peꞌe ki a ia.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

ꞌEvereo 6:12

ꞌE ꞌina a mātou he haŋa mo hupe-hupe o kōrua. Ka aŋa ka oho nō, pa he meꞌe aŋa e te nuꞌu ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. I a rāua te meꞌe hōrea e te ꞌAtua.

ꞌEvereo 6:15

I tiaki i oho nō a ꞌAparahama hai haumārū ꞌe i haka tano rō e te ꞌAtua i rā meꞌe hōrea era ki a ia.

2 Pētero 1:6

ꞌe ki te ꞌite i te haka topa riva-riva i te manaꞌu, te ꞌite i te haka noho ꞌo hara, ꞌe ki te ꞌite i te haka noho ꞌo hara, te ꞌite i te haꞌaoromaꞌi hai haumārū, ꞌe ki te ꞌite i te haꞌaoromaꞌi hai haumārū, te moꞌa ꞌe te haꞌatura ki te ꞌAtua,

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.