Meꞌe Haka Takeꞌa 2:14 - Rapa Nui

¹⁴ ’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:14 ပူးပေါင်းရင်းမြစ်များ

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Aŋa o te ꞌĀpōtoro 15:29

ꞌina ko kai i te kiko o te ꞌanimare tūtia ki te ꞌītoro, ꞌina ko kai i te toto ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe. Mo moꞌa i te ŋā roŋo nei, e aŋa ꞌana kōrua i te meꞌe tī-tika. ꞌIorana kōrua».

Aŋa o te ꞌĀpōtoro 21:25

»ꞌE, a koe ko ꞌite ꞌana ko pāpaꞌi ko haka ꞌite ꞌā a mātou ki te nuꞌu taꞌe he hūrio haka moe i te manaꞌu ꞌi ruŋa i a Ietū i te mātou manaꞌu: te rāua meꞌe nō mo maꞌu o te haka tere iŋa ꞌa Mōtē ko te ŋā meꞌe nei: ꞌina ko kai i te kiko tūtia ki te ꞌītoro, i te toto, ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe».

Rōmano 11:9

I pāpaꞌi takoꞌa rō e te ꞌariki era ko ⌊Tāvita⌋ pē nei ē: «Ka riro te rāua ŋoŋoro he meꞌe mo ꞌa-ꞌaru mo puru i a rāua, pa he kūpeŋa ika, ki ravaꞌa ai mo haka ūtuꞌa hai ūtuꞌa tano mo rāua.

Rōmano 14:13

ꞌO ira, ꞌina ko kī haka ꞌou e hape rō ꞌā te rua. Te meꞌe nō, e uꞌi kōrua ꞌo haka ꞌaka-ꞌaka i te manaꞌu o te kōrua taina o ruŋa i a Ietū, ꞌo uŋa i a rāua ki roto i te hara hai meꞌe aŋa e kōrua.

Rōmano 14:21

I hau rō atu i te tano mo taꞌe aŋa ōꞌou i te meꞌe manaꞌu e te rua he meꞌe taꞌe haꞌatiꞌa e te ꞌAtua, pa he kai i te kiko ꞌe pa he unu i te ꞌava, ꞌo hara tuꞌu taina.

Rōmano 9:32

¿He aha i taꞌe ravaꞌa ai? He taꞌe haka moe i te manaꞌu ꞌi ruŋa i te ꞌAtua. Te meꞌe aŋa he haka noho i te manaꞌu ꞌi ruŋa i te meꞌe aŋa e rāua mo haka koa i te ꞌAtua. ꞌO ira i tu-tuki ai ki te «māꞌea era mo tu-tuki»

1 Kōrinto 1:23

ꞌE a mātou ꞌina he aŋa i te ŋā meꞌe era. Te mātou meꞌe aŋa he haka ꞌite he oho o ruŋa i te Kiritō veo era ꞌi ruŋa i te tātaurō. Te meꞌe nei he parauꞌino e tahi mo te hūrio, ꞌe mo te kirieko he meꞌe maꞌa-maꞌa nō atu e tahi.

1 Kōrinto 7:2

Te ꞌati nō, ꞌo hara i te hara he moe i te viꞌe i te kenu taꞌe o kōrua, e ai te kōrua viꞌe ꞌe te kōrua kenu.

ꞌEvereo 13:4

Te ⌊hāipo-ipo⌋ he meꞌe mo moꞌa e te taꞌatoꞌa. Te nuꞌu hāipo-ipo e ꞌite mo moꞌa i te rāua hāipo-ipo ꞌe mo hāpaꞌo i te rāua hakari mo rāua ꞌā. Te ꞌAtua, paꞌi, e haka ūtuꞌa rō i te nuꞌu moe i te viꞌe i te taŋata taꞌe he viꞌe taꞌe he kenu ꞌāꞌana ꞌe i te nuꞌu taiꞌata.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.

2 Pētero 2:15

Ko oho ꞌana, paꞌi, a te ara kē mai te ara tī-tika o te ꞌAtua. Te meꞌe aŋa oho he meꞌe aŋa e te perofeta era ko ⌊Vārama⌋, poki ꞌa Vōtoro, ꞌi te hora haŋa mo aŋa i te meꞌe taꞌe tano mo ravaꞌa moni.

Hura 1:11

¡ꞌAu-auē te nuꞌu ena! Ko oho ꞌana a te ara taꞌe tano pē ⌊Kāiŋa⌋. ꞌI te haŋa ki te moni, ko haka tapa ꞌā mai te ara o te ꞌAtua, pē ⌊Vārama⌋, ꞌe, ꞌi te haka ꞌāriŋa mau era ꞌā o rāua, pē Kōrē ka mā-mate ena.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.

Meꞌe Haka Takeꞌa 2:4

’Ka ai atu pē ira, e ai rō ꞌana tāꞌaku ture māꞌau: he taꞌe haŋa haka ꞌou mai ōꞌou ki a au ꞌe ki te rua pa he oho iŋa era o muꞌa ꞌā, hora haka moe raꞌe era ōꞌou i te manaꞌu ꞌi ruŋa i a au.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.