Meꞌe Haka Takeꞌa 18:9 - Rapa Nui

⁹ Te ꞌariki taꞌatoꞌa moe era i rā viꞌe koa era ananake ꞌi te aŋa i te meꞌe taꞌe tano e ta-taŋi rō ꞌe e ꞌau-auē rō ka takeꞌa era i te ꞌau, ꞌi te hora e tutu ꞌā i rā viꞌe.

Meꞌe Haka Takeꞌa 18:9 ပူးပေါင်းရင်းမြစ်များ

1 Timoteo 5:11

ꞌE te viꞌe hove matahiti taꞌe rahi he viꞌe mo taꞌe haka pāpaꞌi ꞌi ruŋa i rā parau, ꞌo topa pē nei ē: pe muꞌa ka oho ena, ꞌata pūai tōꞌona haŋa ki tāꞌana o te tane ki tōꞌona haŋa mo tāvini ki te ⌊Kiritō⌋, ꞌe he haŋa mo ⌊hāipo-ipo⌋ haka ꞌou.

Meꞌe Haka Takeꞌa 14:11

ꞌE mai te kona ꞌamo o rāua i te ūtuꞌa ka eꞌa ena te ꞌau ꞌina he hopeꞌa raꞌa, ꞌe ꞌi ira, ka pō ka ꞌōtea, ꞌina he haka ora te nuꞌu haꞌamuri ki te manuꞌino ꞌe ki te ꞌītoro aŋa pē ia haka tāpaꞌo i a rāua hai ꞌīŋoa o rā manuꞌino».

Meꞌe Haka Takeꞌa 17:2

Te ꞌariki taꞌatoꞌa o te ao ko moe tahi ꞌā i te taiꞌo nei, ꞌe ko taꞌero tahi ꞌana te nuꞌu o te ao ꞌi tāꞌana ꞌava, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e te viꞌe nei, he haꞌamuri ki te meꞌe taꞌe he ꞌAtua parautiꞌa».

Meꞌe Haka Takeꞌa 18:18

I takeꞌa era ko vera ꞌā rā kona ꞌe ko eꞌa ꞌā te ꞌau, he ꞌau-auē koia ko kī: «¡Ko te ꞌaroha ꞌō; ꞌina he rua kona pa he kona nui-nui era!».

Meꞌe Haka Takeꞌa 18:20

¡Ka koa kōrua, e te meꞌe taꞌatoꞌa noho ꞌi te raŋi ē! ¡ꞌE ka koa kōrua, e te nuꞌu haꞌataꞌa e te ꞌAtua māꞌana ē, e te ⌊ꞌāpōtoro⌋ ē, ꞌe e te perofeta ē! Ko haka ūtuꞌa ꞌana, paꞌi, e te ꞌAtua i te kona era, ꞌo te meꞌe taꞌe tano aŋa atu ki a kōrua».

Meꞌe Haka Takeꞌa 18:3

Te nuꞌu o te henua taꞌatoꞌa ꞌe te ꞌariki o te kona taꞌatoꞌa ko taꞌero ꞌā ꞌi te aŋa ꞌāꞌana, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e ia, he haꞌamuri ki te meꞌe taꞌe he ꞌAtua parautiꞌa. ꞌE te nuꞌu hoꞌo meꞌe o te ao ko ꞌono ꞌā ꞌi te rava hoꞌo e rā viꞌe i tāꞌana meꞌe haŋa ꞌina he hāito».

Meꞌe Haka Takeꞌa 18:7

Ka vaꞌai hai ꞌati ꞌe hai māui-ui ki roto i te ivi, pa he rahi o te teꞌo-teꞌo iŋa ōꞌona, ꞌe pa he rahi o te reka ꞌe o te koa ŋaroꞌa e ia ꞌi tōꞌona noho iŋa era ꞌina he meꞌe haŋa toe. Te viꞌe era he kī nō te aŋa ꞌi roto i tōꞌona māhatu: “A au e noho nei ꞌi te kona nei pa he ꞌariki; taꞌe a au he hove, ꞌe e ko topa mai te ꞌati ki a au”.

Meꞌe Haka Takeꞌa 19:3

He ŋaroꞌa haka ꞌou e au i te reꞌo o tū nuꞌu era e kī ꞌā: «¡Ki haꞌahana-hana tahi tātou i te ꞌAtua! Te ꞌau o te ahi tutu era i tū taiꞌo era e ko kore ki te hora hopeꞌa».

Meꞌe Haka Takeꞌa 2:22

’ꞌO ira, he haka māui-ui e au i a ia ki te roa e ko eꞌa mai ruŋa i te roꞌi, ꞌe he tiŋaꞌi he haka mate e au i tāꞌana ŋā poki. ꞌE te taina moe i a ia, mo taꞌe haka rē i te meꞌe aŋa e rā viꞌe, he uŋa atu e au i te ꞌati nui-nui ki ruŋa i a rāua. ’Pē ira ka ꞌite ena e te nūnaꞌa taŋata taꞌatoꞌa haka moe i te manaꞌu ꞌi ruŋa i a au pē nei ē: e ꞌite rō ꞌana a au i te manaꞌu hopeꞌa ena o te hōhonu ꞌe i te meꞌe o roto i te māhatu. ꞌE e tahi e tahi kope ka vaꞌai ena e au i te meꞌe tano, tano ki te meꞌe i aŋa e ia.