Meꞌe Haka Takeꞌa 17:9 - Rapa Nui

⁹ »ꞌE mo aŋi-aŋi i te meꞌe nei, e ai i a koe te mārama-rama vaꞌai atu e te ꞌAtua: Te ŋā pūꞌoko era e hitu e haꞌaauraꞌa mai ꞌā i te maꞌuŋa e hitu ꞌi ruŋa rā viꞌe e noho ena ꞌe, takoꞌa, i te ꞌariki e hitu.

Meꞌe Haka Takeꞌa 17:9 ပူးပေါင်းရင်းမြစ်များ

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 24:15

»Te perofeta era ko Taniera ko pāpaꞌi ꞌana o ruŋa o te kope ko ia te meꞌe ka hano-hano ꞌe ka ꞌenemī ena e te ꞌAtua. Ka takeꞌa ena e kōrua te māroa iŋa o rā kope ꞌi te kona moꞌa, te auraꞌa, ꞌi te Kona Haꞌamuri ꞌAtua (te kope taiꞌo, ¡e aŋi-aŋi!),

Meꞌe Haka Takeꞌa 13:1

He uꞌi atu a au he manuꞌino taparahi-taꞌata haka ꞌou e tahi ka eꞌa mai roto i te vaikava. E hitu ōꞌona pūꞌoko ꞌe e hoꞌe ꞌahuru tara. ꞌI ruŋa i rā ŋā tara te hei, ꞌe ꞌi ruŋa i te pūꞌoko te ꞌīŋoa parauꞌino mo te ꞌAtua.

Meꞌe Haka Takeꞌa 13:18

ꞌE mo aŋi-aŋi i te haꞌaauraꞌa o te nūmera o rā manuꞌino taparahi-taꞌata era, e ai i a koe te mārama-rama vaꞌai e te ꞌAtua. ꞌE te kope haŋa mo aŋi-aŋi e ꞌite mo haka tano-tano i rā nūmera ki te tiꞌaraꞌa tano mo aŋi-aŋi i rā ꞌīŋoa, he ꞌīŋoa o te taŋata e tahi. ꞌE rā nūmera he ono hānere ono ꞌahuru mā ono.

Meꞌe Haka Takeꞌa 17:18

Te viꞌe takeꞌa era e koe he kona nui-nui noho taŋata haka tere i te ꞌariki taꞌatoꞌa o te ao».

Meꞌe Haka Takeꞌa 17:3

I meꞌe era he maꞌu i tōꞌoku vārua e te merahi ki te kona ꞌone taꞌe noho taŋata. ꞌI ira i takeꞌa ai e au i tū viꞌe era e eke rō ꞌana ꞌi ruŋa i te manuꞌino mea-mea e tahi. Te manuꞌino nei e hitu ōꞌona pūꞌoko e hoꞌe ꞌahuru tara. Te hakari ko pāpaꞌi tahi ꞌā hai ꞌīŋoa parauꞌino mo te ꞌAtua.

Meꞌe Haka Takeꞌa 17:7

He kī mai ia e tū merahi era: «¿He aha koe i māere ai? ꞌĪ a au he haka ꞌite atu i te meꞌe taꞌe ꞌite e kōrua e te taŋata o ruŋa o te viꞌe era ꞌe o te manuꞌino era ꞌi ruŋa rā viꞌe, manuꞌino era e hitu pūꞌoko e hoꞌe ꞌahuru tara.