Meꞌe Haka Takeꞌa 17:7 - Rapa Nui

⁷ He kī mai ia e tū merahi era: «¿He aha koe i māere ai? ꞌĪ a au he haka ꞌite atu i te meꞌe taꞌe ꞌite e kōrua e te taŋata o ruŋa o te viꞌe era ꞌe o te manuꞌino era ꞌi ruŋa rā viꞌe, manuꞌino era e hitu pūꞌoko e hoꞌe ꞌahuru tara.

Meꞌe Haka Takeꞌa 17:7 ပူးပေါင်းရင်းမြစ်များ

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.

2 Tētārōnika 2:7

A Rukifero, paꞌi, ko haꞌamata ko aŋa mai era ꞌā ꞌi ruŋa i te taŋata, mā te taꞌe ꞌite e rāua, ꞌo haŋa ꞌe ꞌo haꞌatura ki te roŋo o te ꞌAtua. ꞌE te kope ꞌāꞌana te haka noho i te taŋata ꞌo riri ꞌo haka tumu i te ture mo te ꞌAtua, he aŋa he oho mau rō ꞌai i te meꞌe nei ꞌātā ki te mahana ka toꞌo ena i a ia e te ꞌAtua.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 12:3

I oti era he takeꞌa haka ꞌou e au i te meꞌe nui-nui e tahi ꞌi te raŋi: he manuꞌino nui-nui mea-mea e tahi. E hitu ōꞌona pūꞌoko, e hoꞌe ꞌahuru tara. ꞌE ꞌi ruŋa i rā ŋā pūꞌoko e huki rō ꞌā e tahi e tahi hei.

Meꞌe Haka Takeꞌa 18:1

I oti era te meꞌe nei, he takeꞌa e au i te merahi tōroꞌa nui-nui e tahi ka topa mai te raŋi. He māꞌeha ia te henua taꞌatoꞌa ꞌi te pūai o tōꞌona ꞌana-ꞌana.