Meꞌe Haka Takeꞌa 17:3 - Rapa Nui

³ I meꞌe era he maꞌu i tōꞌoku vārua e te merahi ki te kona ꞌone taꞌe noho taŋata. ꞌI ira i takeꞌa ai e au i tū viꞌe era e eke rō ꞌana ꞌi ruŋa i te manuꞌino mea-mea e tahi. Te manuꞌino nei e hitu ōꞌona pūꞌoko e hoꞌe ꞌahuru tara. Te hakari ko pāpaꞌi tahi ꞌā hai ꞌīŋoa parauꞌino mo te ꞌAtua.

Meꞌe Haka Takeꞌa 17:3 ပူးပေါင်းရင်းမြစ်များ

Māteo 27:28

He patu ananake i te kahu o Ietū ꞌe he puꞌa hai kapa mea-mea.

Aŋa o te ꞌĀpōtoro 8:39

I eꞌa era mai roto i te vai, he toꞌo e te Vārua o te ꞌAtua i a Feripe, ꞌe ꞌina kai takeꞌa haka ꞌou e tū taŋata era. Rā kope, ko toꞌo atu ꞌā te koa, he eꞌa he oho rō ꞌai.

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.

Meꞌe Haka Takeꞌa 1:10

ꞌI ira, ꞌi te mahana tāpati e tahi, mahana o te ꞌAtua, he haka moe vārua i a au e te ⌊Vārua Maitai⌋, ꞌe he ŋaroꞌa e au i te reꞌo pūai pa he koneta ꞌi tuꞌa i a au

Meꞌe Haka Takeꞌa 12:14

He vaꞌai ia e te ꞌAtua ki rā viꞌe e rua karā, pa he karā o te manu nui-nui, mo rere mo oho ki tōꞌona kona ꞌi te kona ꞌone taꞌe noho taŋata, he kona e roa rō ꞌā mai tū manuꞌino era, ꞌi ira ka hāpaꞌo era e toru matahiti ꞌe te ꞌafa.

Meꞌe Haka Takeꞌa 12:3

I oti era he takeꞌa haka ꞌou e au i te meꞌe nui-nui e tahi ꞌi te raŋi: he manuꞌino nui-nui mea-mea e tahi. E hitu ōꞌona pūꞌoko, e hoꞌe ꞌahuru tara. ꞌE ꞌi ruŋa i rā ŋā pūꞌoko e huki rō ꞌā e tahi e tahi hei.

Meꞌe Haka Takeꞌa 12:6

He tere ia rā viꞌe ki te kona ꞌone taꞌe noho taŋata, kona ꞌi ira i haka riva-riva ai e te ꞌAtua i te kona mo hāpaꞌo i a ia e hoꞌe taꞌutini piti hānere ono ꞌahuru mahana.

Meꞌe Haka Takeꞌa 17:18

Te viꞌe takeꞌa era e koe he kona nui-nui noho taŋata haka tere i te ꞌariki taꞌatoꞌa o te ao».

Meꞌe Haka Takeꞌa 17:4

Rā viꞌe e uru rō ꞌana i te kahu moana ꞌapa mea ꞌe mea-mea, ꞌe e haka nehe-nehe rō ꞌā hai piru, hai māꞌea hopeꞌa o te nehe-nehe ꞌe hai poe. E maꞌu rō ꞌana ꞌi te rima i te hapaina aŋa hai piru ko ꞌī ꞌā e te meꞌe hopeꞌa o te hano-hano o tāꞌana aŋa era.

Meꞌe Haka Takeꞌa 18:12

he piru, he parata, he māꞌea hopeꞌa o te nehe-nehe, he poe, he kahu hopeꞌa o te riva-riva aŋa hai rino ꞌe hai sea, tōꞌona kōrore moana ꞌapa mea ꞌe mea-mea; he rauhuru miro ꞌeo; he meꞌe aŋa hai tara erefani, hai miro nehe-nehe, hai ꞌaurī, ꞌe hai māꞌea nehe-nehe;

Meꞌe Haka Takeꞌa 18:16

koia ko kī: «¡Ko te ꞌaroha ꞌō i a koe! E uru era koe hai kahu hopeꞌa o te riva-riva aŋa hai rino, kahu kōrore moana ꞌapa mea ꞌe mea-mea, e haka nehe-nehe era hai piru, hai poe ꞌe hai māꞌea hopeꞌa o te nehe-nehe.

Meꞌe Haka Takeꞌa 21:10

ꞌI roto i tū meꞌe haka takeꞌa mai nei ia e te ⌊Vārua Maitai⌋, i maꞌu ai i a au e nei merahi ki ruŋa i te maꞌuŋa ruŋa nui nui-nui e tahi. Mai ira i haka takeꞌa mai ai i te kona moꞌa era ko Hērutarema e topa e oho mai ꞌā mai te raŋi mai muꞌa o te ꞌAtua.

Meꞌe Haka Takeꞌa 4:2

ꞌI rā hora mau ꞌā he haka moe vārua i a au e te ⌊Vārua Maitai⌋, ꞌe he takeꞌa e au i te pepe noho ꞌariki e tahi ꞌi ruŋa e noho rō ꞌā te kope e tahi.