Meꞌe Haka Takeꞌa 15:4 - Rapa Nui

⁴ ¿Ko ai te meꞌe mo taꞌe moꞌa i a koe, e te mātou Pūꞌoko Haka Tere ē? ¿Ko ai te meꞌe mo taꞌe haꞌahana-hana atu? Ko koe mau nō te meꞌe hara kore. Taꞌatoꞌa nuꞌu o te ao ka haꞌamuri atu ena. Ko takeꞌa ꞌana, paꞌi, e te taꞌatoꞌa: taꞌa meꞌe aŋa meꞌe tī-tika».

Meꞌe Haka Takeꞌa 15:4 ပူးပေါင်းရင်းမြစ်များ

Rōmano 15:9

I oho takoꞌa mai ai mo haꞌahana-hana o te nuꞌu taꞌe he hūrio ki te ꞌAtua ꞌo tōꞌona riva rahi, pa he meꞌe kī ꞌi ruŋa i te Pāpaꞌi Moꞌa: «ꞌI muꞌa o te taŋata taꞌatoꞌa o te ao ka haꞌahana-hana atu ena a au ki a koe, ꞌe he hīmene atu i te hīmene mōꞌou».

1 Pētero 1:16

Pē nei e kī ena ꞌi ruŋa i te ⌊Pāpaꞌi Moꞌa⌋: «E ai kōrua he nuꞌu ꞌina e tahi hape, pē au ꞌā».

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Meꞌe Haka Takeꞌa 14:7

E kī pūai era: «E moꞌa kōrua i te ꞌAtua, e haꞌahana-hana kōrua i a ia ꞌo te ai ꞌī ko tuꞌu mai ꞌā te hora era mo ture ōꞌona i te taŋata. E haꞌamuri kōrua ki te kope ꞌāꞌana i aŋa i te raŋi, i te henua, i te vaikava ꞌe i te kona manana vai».

Meꞌe Haka Takeꞌa 16:5

I oho era he ŋaroꞌa e au i te merahi hāpaꞌo vai e kī ꞌā ki te ꞌAtua: «E te ꞌAtua moꞌa ē, ꞌAtua o te hora nei ꞌe o muꞌa ꞌā, ko tano ꞌana koe i haka ūtuꞌa ena i te taŋata.

Meꞌe Haka Takeꞌa 16:7

He ŋaroꞌa takoꞌa e au i te kī iŋa, mai te kona ⌊fata⌋ era: «ꞌĒ-ē, e te ꞌAtua hopeꞌa o te pūai, Pūꞌoko Haka Tere o mātou ē. Hai parautiꞌa ꞌe hai tī-tika a koe i haka ūtuꞌa ai i te taŋata».

Meꞌe Haka Takeꞌa 19:2

A ia e ture ena hai tī-tika ꞌe hai parautiꞌa. Ko haka ūtuꞌa ꞌana i tū taiꞌo ꞌite era e te nuꞌu. Hai ia, paꞌi, te taŋata taꞌatoꞌa o te ao i aŋa ai i te meꞌe taꞌe tano. Ko haka ūtuꞌa ꞌana i a ia, ꞌo te tiŋaꞌi ꞌo te haka mate i te tāvini o te ꞌAtua».

Meꞌe Haka Takeꞌa 19:8

ko uru ꞌana hai kahu vaꞌai ki a ia, kahu aŋa hai rino hopeꞌa o te riva-riva, kahu maꞌitaki ꞌe pura-pura». Te haꞌaauraꞌa o te kahu nei: he meꞌe riva-riva aŋa e te nuꞌu haꞌataꞌa e te ꞌAtua māꞌana.

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki:

Meꞌe Haka Takeꞌa 4:8

Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».

Meꞌe Haka Takeꞌa 6:10

Pē nei e kī pūai era: «E te Pūꞌoko Haka Tere moꞌa ꞌe parautiꞌa ē, ¿a hē koe ka haka ꞌauhau hai ūtuꞌa i te taŋata o te ao ꞌo te tiŋaꞌi i a mātou?».