Meꞌe Haka Takeꞌa 15:3 - Rapa Nui

³ E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 15:3 ပူးပေါင်းရင်းမြစ်များ

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

ꞌEvereo 3:5

A Mōtē, pa he tāvini o te ꞌAtua, kai taꞌe aŋa i te meꞌe taꞌatoꞌa kī e te ꞌAtua mo aŋa hora haka tere era e ia i tōꞌona taŋata, ꞌe rā aŋa era ꞌāꞌana he haꞌaauraꞌa o te meꞌe ka haka ꞌite era e te ꞌAtua pe muꞌa ka oho era.

Meꞌe Haka Takeꞌa 1:8

Te ꞌAtua o te hora nei, o muꞌa ꞌā ꞌe ka tuꞌu mai ena, ꞌAtua i a ia te pūai taꞌatoꞌa, pē nei e kī ena: «A au he Haꞌamata ꞌe he Hopeꞌa».

Meꞌe Haka Takeꞌa 11:17

koia ko kī: «He māuru-uru atu mātou ki a koe, e te ꞌAtua hopeꞌa o te pūai ē, ꞌAtua o te hora nei ꞌe o muꞌa ꞌā, hai pūai nui-nui, paꞌi, ōꞌou i haꞌamata i haka tere ai koe i te ao.

Meꞌe Haka Takeꞌa 14:3

Rā meꞌe he ŋāŋata era e hoꞌe hānere maha ꞌahuru mā maha taꞌutini haꞌataꞌa era e te ꞌAtua mai roto i te taŋata taꞌatoꞌa o te ao, haka eꞌa era mai roto i te ūtuꞌa o te hara. E hīmene ꞌana i te hīmene ꞌāpī, hīmene ko rāua mau nō i ꞌite, ꞌi muꞌa o te kona pepe noho ꞌariki era, o te meꞌe ora era e hā ꞌe o tū ŋāŋata ra-rahi era.

Meꞌe Haka Takeꞌa 14:8

ꞌI tuꞌa e kī e oho era te rua merahi: «¡Ko haka pararaha tahi ꞌā te kona nui-nui era ko ⌊Vāvīrōnia⌋, kona haka hara ꞌe haka haꞌamuri era i te taŋata taꞌatoꞌa o te ao ki te meꞌe taꞌe he ꞌAtua!».

Meꞌe Haka Takeꞌa 17:14

E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».

Meꞌe Haka Takeꞌa 19:2

A ia e ture ena hai tī-tika ꞌe hai parautiꞌa. Ko haka ūtuꞌa ꞌana i tū taiꞌo ꞌite era e te nuꞌu. Hai ia, paꞌi, te taŋata taꞌatoꞌa o te ao i aŋa ai i te meꞌe taꞌe tano. Ko haka ūtuꞌa ꞌana i a ia, ꞌo te tiŋaꞌi ꞌo te haka mate i te tāvini o te ꞌAtua».

Meꞌe Haka Takeꞌa 4:8

Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».