Meꞌe Haka Takeꞌa 14:4 - Rapa Nui

⁴ Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.

Meꞌe Haka Takeꞌa 14:4 ပူးပေါင်းရင်းမြစ်များ

Māteo 19:12

Rauhuru te tumu o te meꞌe ena he noho ꞌina he piri tane: mo te tētahi he meꞌe poreko, mo te tētahi atu ko pātehe ꞌana, ꞌe mo te tētahi haka ꞌou atu he haŋa mo tāvini ki te ꞌAtua ꞌe mo haka ꞌite o ruŋa i te haka tere iŋa ꞌāpī ꞌāꞌana e tahi mau nō manaꞌu. Te kope ꞌite mo maꞌu i te noho iŋa nei, e maꞌu.

Māteo 25:1

»Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa i te ŋoŋoro hāipo-ipo e tahi. E hoꞌe ꞌahuru uka he toꞌo i te rāua hakariꞌi ꞌe he eꞌa he oho mo hokorua i te kope era mo hāipo-ipo ki te kona era ꞌi ira te ŋoŋoro.

Māteo 8:19

He haka hāhine ia te taŋata maꞌori e tahi o te haka tere hūrio he kī: —E te Maꞌori, kona nō ena ōꞌou ka oho ena, he oho atu a au ꞌi muri i a koe mo taŋata hāpī ꞌāꞌau.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 13:37

He kī e Pētero: —E Ietū, ¿he aha a au ana taꞌe oho atu ꞌi te hora nei? ¡E vaꞌai nō a au i a au ki te mate mōꞌou!

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

1 Kōrinto 6:20

Ko ꞌauhau ꞌana, paꞌi, e ia i a tātou māꞌana ꞌi te hora mate era o Ietū ꞌi ruŋa i te tātaurō. ꞌO ira, te meꞌe taꞌatoꞌa aŋa e tātou hai hakari e takeꞌa e moꞌa rō ꞌana tātou i te ꞌAtua.

1 Kōrinto 7:28

ꞌE, mo hāipo-ipo, taꞌe e hara ꞌā; ꞌe mo hāipo-ipo te viꞌe taureꞌa-reꞌa e tahi, taꞌe takoꞌa e hara ꞌā. Te meꞌe nō, mo hāipo-ipo he ꞌati taŋata te rāua meꞌe ka ꞌamo era, he meꞌe taꞌe haŋa ꞌāꞌaku mo topa atu ki a kōrua.

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.

Ēfeto 1:14

ꞌE, ꞌo te ai o te Vārua Maitai ꞌi roto i a tātou, e ꞌite nei: te ꞌAtua e haka oti rō i tāꞌana meꞌe haꞌamata aŋa era: he haka eꞌa i a tātou mai roto i te hara, ꞌe pe muꞌa ka oho ena he vaꞌai mai i te meꞌe taꞌatoꞌa hōrea mo tāꞌana nuꞌu, ki haꞌahana-hana tahi ai a tātou i te nui-nui o tōꞌona pūai.

Ēfeto 5:27

mo riro tahi o tātou pa he viꞌe hāipo-ipo nehe-nehe māꞌana, ꞌina e tahi meꞌe taꞌe tano ꞌe ꞌina e tahi hape ꞌi te hora ka toꞌo ena i a tātou mo noho ꞌi muri i a ia.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

ꞌEvereo 12:23

ꞌe te nuꞌu taꞌatoꞌa haka moe i te manaꞌu ꞌi ruŋa i a Ietū, nuꞌu i a rāua te tōroꞌa o te ŋā poki ꞌatariki ꞌe te rāua ꞌīŋoa ko pāpaꞌi ꞌana ꞌi ruŋa i te raŋi, ꞌe he kona ꞌi ira a tātou e piri nei ki te ꞌAtua, kope ꞌāꞌana te ture i te taꞌatoꞌa; ki te vārua o te nuꞌu mā-mate ko haka tano ko oti ꞌā ki te mata o te ꞌAtua;

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

Meꞌe Haka Takeꞌa 17:14

E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».

Meꞌe Haka Takeꞌa 21:22

ꞌIna kai takeꞌa e au ꞌi ira e tahi kona haꞌamuri ꞌAtua. ¿Mo aha atu ꞌā? ꞌI ira, paꞌi, e noho ena te ꞌAtua hopeꞌa o te pūai, ꞌe te Māmoe.

Meꞌe Haka Takeꞌa 21:23

ꞌE ¿mo aha takoꞌa te raꞌā ꞌe te māhina o rā kona? O te ꞌAtua mau ꞌā, paꞌi, ꞌe o te Māmoe te haka māꞌeha.

Meꞌe Haka Takeꞌa 3:4

’Ka ai atu pē ira, nai nā e ai rō ꞌana te tētahi nuꞌu kai ꞌōꞌone te rāua kahu, te auraꞌa, ꞌina a rāua kai aŋa i te meꞌe taꞌe tano. Te nuꞌu ena ꞌi muri i a au ka haꞌere ena e uru rō ꞌana i te kahu tea-tea, he meꞌe tano mo rāua.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,