Meꞌe Haka Takeꞌa 13:8 - Rapa Nui

⁸ He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 13:8 ပူးပေါင်းရင်းမြစ်များ

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Ruka 10:20

ꞌE, ka ai atu pē ira, te meꞌe o kōrua mo koa: ko pāpaꞌi ꞌā te kōrua ꞌīŋoa ꞌi te raŋi, taꞌe ꞌō ko haka roŋo atu ꞌā te tātane.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Meꞌe Haka Takeꞌa 12:15

He haka rua ia e tū manuꞌino era i te vai mai roto i tōꞌona haha, mo to-toi i rā viꞌe.

Meꞌe Haka Takeꞌa 13:12

Te manuꞌino nei he rarovaꞌe o te manuꞌino eꞌa era mai roto i te vaikava, ꞌe ꞌāꞌana te haka tere i te taŋata peꞌe ki rā manuꞌino. ꞌE ꞌāꞌana takoꞌa te aŋa mo haꞌamuri o te taŋata taꞌatoꞌa o te ao ki tū manuꞌino ora era o te more.

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.

Meꞌe Haka Takeꞌa 21:27

ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.

Meꞌe Haka Takeꞌa 3:20

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

Meꞌe Haka Takeꞌa 5:13

ꞌE he ŋaroꞌa takoꞌa e au i te meꞌe taꞌatoꞌa ora aŋa e te ꞌAtua o ruŋa o te raŋi, o ruŋa o te henua, o raro o te henua ꞌe o roto i te vaikava e kī ꞌā: «¡Ki haꞌahana-hana, ki moꞌa, ꞌe ki haka nui-nui tātou ꞌātā ki te hopeꞌa raꞌa i te kope noho o ruŋa i te pepe ꞌariki ꞌe i te Māmoe; i a rāua, paꞌi, te pūai!».

Meꞌe Haka Takeꞌa 6:1

I oti era he takeꞌa e au i tū Māmoe era e kume ꞌā i te tāmaꞌu raꞌe o tū ŋā tāmaꞌu era e hitu. ꞌE he ŋaroꞌa e au e tahi o tū ŋā meꞌe ora era e hā e kī ꞌana hai reꞌo pūai tuꞌu pa he pātiri: «¡Ka oho mai!».