Meꞌe Haka Takeꞌa 13:7 - Rapa Nui

⁷ I haꞌatiꞌa nō mo moto ki te nuꞌu o te ꞌAtua ꞌe mo rē ki a rāua. ꞌE i haꞌatiꞌa takoꞌa nō mo haka tere i te nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 13:7 ပူးပေါင်းရင်းမြစ်များ

Ruka 4:6

ꞌe he kī: —Te henua taꞌatoꞌa ena ōꞌoku, ꞌe i a au te parau mo vaꞌai ki te kope ꞌāꞌaku i haŋa. Hora nei he vaꞌai tahi atu e au koia ko tōꞌona hauhaꞌa

Iovani 19:11

He pāhono e Ietū: —E ko ai i a koe te parau o ruŋa ōꞌoku ꞌāhani i taꞌe haꞌatiꞌa atu e te ꞌAtua. ꞌO ira te kope vaꞌai atu era i a au ki a koe ꞌata hau ꞌi te hara ki a koe.

Meꞌe Haka Takeꞌa 10:11

I oho era he kī mai e te kope e tahi: «E oho haka ꞌou koe e haka ꞌite i te roŋo o te ꞌAtua, roŋo haka ꞌite atu e ia o ruŋa i te meꞌe ka topa ena ki te nuꞌu o te meꞌe rahi nō atu hau, henua, ꞌe ꞌarero, ꞌe ki te rāua ꞌariki».

Meꞌe Haka Takeꞌa 11:18

Te nuꞌu o te ao taꞌe haŋa atu ki a koe ko riri tahi ꞌana mōꞌou. ꞌE te mahana o tuꞌu riri ꞌī ko tuꞌu mai ꞌā, he hora ture ōꞌou i te nuꞌu mate, ꞌe he hora vaꞌai ōꞌou ki te perofeta, tāvini ōꞌou, ki te nuꞌu haꞌataꞌa māꞌau ꞌe ki te nuꞌu moꞌa i tuꞌu ꞌīŋoa i te meꞌe mo haka koa o rāua, ka hōnui ꞌe ka taꞌe hōnui rāua. ꞌE te nuꞌu tōtōā i te henua he haka kore e koe».

Meꞌe Haka Takeꞌa 11:7

Ki oti te rāua aŋa, he haka ꞌite i te roŋo o te ꞌAtua, te manuꞌino taparahi-taꞌata eꞌa mai raro i te pū ꞌina he hopeꞌa te raro nui he moto ki a rāua ꞌe he rē. He tiŋaꞌi ia he haka mate i rā ŋā mataꞌite.

Meꞌe Haka Takeꞌa 12:17

He ꞌata riri rō atu ꞌai tū manuꞌino era mo rā viꞌe. He eꞌa he oho he moto ki te hakaara haka ꞌou o rā viꞌe, he nuꞌu haꞌatura ki te roŋo o te ꞌAtua ꞌe ki te parautiꞌa haka ꞌite e Ietū.

Meꞌe Haka Takeꞌa 17:15

He kī haka ꞌou mai ia e tū merahi era: «Te ŋā rio takeꞌa era e koe ꞌi te kona ꞌi ira tū taiꞌo era he nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,